زينا كيكة سواريه لماما وعجبتها شو رأيكم انتوا؟

المقادير

• كيكة
• كريما مخفوقة
• للزينة
• نكهات والوان
• فواكه
• شوكولا دهن
• شوكولا مارس
• جوز الهند
• اوريو
• اي زينه بتحبوها

الخطوات

مرحبا كيفكم نحنا بنات ام جاسم شذى و حنين ، اول مشاركة النا معكم  رح تكون لطريقة تزيين كيكة قطع سواريه ماما عملتها و احنا زيناها و كانت المفاااجأة …….

1. ماما عملتلنا كيكة عادية ، و قسمتها شريحتين و حشتها كريما و غلفتلنا ياها من برا كمان ومن هون كملنا عمل لحااالناااا .

2. بطريقة التزيين هاي لازم نقطع الكيكة تمن قطع متساوية .

ملاحظة : يفضل إنه نحط بين كل قطعة و التانية ورقة زبدة   علشان ما تتداخل الزينة على بعض بس ازا كان في مسافة منيحة بين قطع الكيك فما في داعي الها .

3. وبعدين كل واحدة بنزينها بطريقة مختلفة عن التانية ازا بدك بالاوريو ، بالمارس ، بجوز الهند ، بالشوكولا ، بالفرولة ، أو حتى الليمون أو أي شي متوفر عندكم بالبيت على زوقك.

وبس هيك بنكون وصلنا لنهاية الوصفة انشالله تكون عجبتكم و تجربوها و مع السلامة