حليب المكثف المحلا الاصلي بمكونين بس

المقادير

• كاستين حليب
• كاسة سكر

الخطوات

يسعدلي كل اوقاتكن يارب

وكل عام وانتو بالف خير واتم صحةوعافيه انتو وكل حبايبكن

الحليب المكثف بيلزم كل وحدة فينا واولكن انا وكتيرررر دورت عليه بالمنطقة الي انا فيا وماكنت لاقيه ولازم كان اجرب كزا طريقة

وهي الطريقة لاقيتا احسن واسهل طريقةوانا معتمتدا من اكتر من سنة لانو طيبة وحبيت افيدكن فيا بتمنى تجربوا لانو كتير سهلة بمكونات موجودة بكل بيت يلا نشوف شلون

♧بسم الله الرحمن الرحيم♧

حطيت بطنجرة السكر والحليب وخلطتن منيح لداب السكر شوي

مسحت طراف الطنجرة بفرشاية مبلولة بمي ليمنع تكون بلورات السكر

بس بلش يغلي وطيت تحتو وانا ايدي فيو عم احركو لحتى يتعقد

كنت كل عشر دقايق اشوف السماكة الي بدي ياها

اخد معي 32 دقيقة عنار وااااطية لوصل للسماكة المطلوبة

تركتو يبرد شوي

وحطيتو بمرطبان وتركتو ليبرد وكل مابرد افضل بيسمك اكتر

هي وصفتي المفضلة للحليب المكثف باسهل طريقة

بتمنى تجربوا وتعجبكن

♡والف صحةوهنا♡