كيكه الرفايلو بنكهة وطعم لايقااااااوم

المقادير

• لكرات الرفايلو:
• ربع كاسة حليب مكثف او لحتى تصير عجينة مع معلقة كبيرة سكر بودرة
• كاسة جوز هند
• كاستين ونص حليب
• لوز مقشر
• للكيكة:
• تلات بيضات
• كاسة وربع سكر
• نص كاسة زيت
• كاسة حليب الي نقعنا فيه جوز الهند سابقآ يكون بارد
• نص كاسة جوز هند
• ظرف بيكنج باودر
• معلقة صغيرة فانيلا
• نقطين خل
• كاستين ونص طحين
• للحشو:
• ظرفين كريمة حليب
• كاسة حليب المنقوع بجوز الهند
• نص كاسة جوز هند
• للتزيين الخارجي:
• جوز هند

الخطوات

~يسعدلي كل اوقاتكن مين منا مابحب جوز الهند والرفايلو

رح اقدملكن كيكة بنكهة جوز الهند متأكدة اذا جربتوا مارح تنسو طعمتا لا انتو ولا اولادكن ورح تدعولي اكيد مو تنسو هههههه يلا نبلش~

☆بسم الله الرحمن الرحيم☆

لتحضير الرفايلو اول شي عملتو حطيت الحليب وجوز الهند وحطيتن بطنجرة عالغاز لاخدو غلوة وحدة وتركتن ليبردو وياخد الحليب نكهة جوز الهند بس برد صفيتو وحطيتلو حليب المكثف ومعلقة سكر بودرة ليمسك اكتر وتصير عجينة وحطيتا بالبراد ليتجانسو ويمسكو اكتر

بعد ماتجانسو عملت كور من العجينة وحشيتا باللوز المقشر ودحرجتا بجوز الهند وتركتا بالبراد لاعمل الكيكة

طريقة الكيكة :

خفقت البيض والسكر والزيت منيح على بخار

اخدت نص كمية الحليب الي كنت ناقعة فيو جوز الهند والي هو كاسة حليب لانو عالغلي رح ينقص من كمية الحليب وخفقت منيح ضفتلن الطحين وجوز الهند والفانيلا والبيكنج باودر وخلطت واخر شي حطيت نقطتين خل وحطيتن بقالب ودخلتن الفرن مع مراعاة لون الكيكة مايتغير كتير

بعد ماطالعتا من الفرن تركتا ترتاح منييييييح وبعدين قسمتا تلات اقسام

لتجهيز الكريمة:

خفقت الكريمة مع كاسة الحليب الي بقيت ونزلت عليها نص كاسة جوز هند

جبت الكيكة وحشيتا بالكريمة ودهنت الاطراف والوجه بنفس الكريمة ودخلتا الفريزة ربع ساعة

طالعتا ارجعت دهنت طبقة خفيفة من الكريمة وظبطت الاطراف وغلفت الجوانب والوجه بجوز الهند

زينتا بكرات جوز الهند الي عملتن وقدمتا بهالشكل

ان شالله تكون عجبتكن

منظر رااااااائع وطعمة اروع

بتمنى من كل قلبي تجربوا وتستمتعو بالطعم انتو وحبايبكن

♡والف صحةوهنا ♡