فاصوليا خضرا باللحمة ملكة أطباق اللحوم
فاصوليا خضرا باللحمة ملكة أطباق اللحوم
المقادير
- كيلو فاصوليا خضرا
- بصلتين كبار
- بندورة مهروسة أو بندورة مقشرة ومقطعة
- معلقتين مية بندورة
- لحمة عجل أو خروف مقطعة راس عصفور
- ملح
- فلفل أسود
- زيت نباتي
الخطوات
يمكن نزلت قبل وصفات فاصوليا خضرا وزهقتكم فيها بس أنا كتير بحبها لهالاكلة وصدف إنه بلشت مسابقة ملكة أطباق اللحوم فرجعت نزلت وصفة الفاصوليا باللحمة فاعذروني حبيباتي وبتمنى تدعموني وتضيفوها عالمفضلة
وبالنسبة للطريقة بنسلق اللحمة مع ورق غار لاستعمال المرقة لإني ما بستعمل الماجي أبدا بطبخي
بعدين بقطع الفاصوليا وبغسلها وبصفي اللحمة من مرقتها وبفرم البصل وبقليه معها بعدين بضيف الفاصوليا وبعد ما يتغير لونها وتستوي شوي بضيف البندورة المهروسة وبعد ما تغلي بزيد مرقة ومية البندورة وملح وفلفل وبطفي تحتها بعد ما تتسبك منيح وتستوي
بتتقدم مع رز بشعيرية أو رز لحاله
وصحة وهنااااا
