اكواب البيتيفور بالنوتيلا بفكره سهله ورائعه

المقادير

• 3 اكواب الا ربع تقريبا طحين ابيض
• 200 غرام زبده بارده و طريه
• بيضه بدرجه حراره الغرفه
• نص كوب سكر باودر
• معلقه صغيره فانيلا سائل
• رشه ملح
• ربع معلقه صغيره بيكنج باودر
• معلقه كبيره كاكاو جاف
• اوراق كب كيك حجم 2 سم

الخطوات

بوعاء بنضع الزبده وبنخفقها شوي بالخلاط وبنبلش نضيف تدريجا السكر الباودر مع استمرار الخفق وبعد هيك بنضيف البيضه والفانيلا ورشه الملح وبخلطهم منيح لما يمتزج الخليط ببعضو بنبلش نضيف الطحين وبنقلب العجينه من فوق لتحت وبنراعي انو ما نعجن عجن بس لم لانو ما بدنا نفعل الجلوتين الي بالطحين لانو بيعطينا نتيجه عكسيه وهاظ الي ما بدنا ياه وخصوصي بأنواع العجائن الفتاتيه وبس نخلص من اضافه الطحين ولم العجينه بنقسمها لقسمين بنضيف لقسم معلقه كبيره كاكاو بودره والقسم الثاني معلقه كبيره طحين وبنلمهم على بعض لما يختفي كل من الطحين والكاكاو بنغطيها وبنريحها ربع ساعه وبين ورقتين زبده بنرق العجينه وبنقطعها بقطاعات البسكوت وبعد هيك بنمسك كل قطعه وبنحطها فوق ورق الكب كيك وبنضغط عليها شوي لتوخذ شكل الاكواب وبنصفها على صينيه الفرن بحيث تكون بشكل مقلوب وفتحه الاكواب الى الاسفل وبنخبزها عناار هاديه 180 درجه لمده 12 دقيقه تقريبا وبس نطلعها من الفرن بنتركها تبرد تماما وبعد هيك بنطلع ورق الكب كيك بحذر حتى ما نكسر حبات البيتيفور وبنعبي الاكواب حسب رغبتنا اي نوع شوكولاه او كريمه او مربى هالشي اكيد حسب رغبتكم الكم الخيار انا اعطيتكم فكره الاكواب السهله وانتو رح تبدعو اكيد باختياراتكم

ملاحظه اعطيتكم طريقه اذا حابين تعملو اكواب بيتيفور بطعم الشوكولاه انا عملتهم بطعم الفانيل وشكلت اشكال ثانيه بطعم الشوكولاه

بتمنى تجربوها وتعجبكم واكيد اذا عجبتكم وحسيتو انها بتستحق مفضلتكم ضيفوها الله يخليلي ياكم ويباركلي فيكم ولا تنسوني من فضل دعواتكم الحلوه

تحياتي الكم جميعا رشا ام احمد