مقلوبه اللحمه ملكه اطباق اللحوم
مقلوبه اللحمه ملكه اطباق اللحوم
المقادير
- لحمه الكميه حسب عدد افراد العائله
- رز الكميه نص الكميه بسمتي والنص الثاني حبه قصير
- بهارات مقلوبه
- ملح
- ورق غار لسلق اللحمه
- زيت قلي
- شعيريه
- خضروات:
- بطاطا
- باذنجان
- بصل
- ثومه
- بازيلا
- جزر
الخطوات
كيفكم ي حلوات اشتقتلكم كثير اليوم عملت مقلوبه اللحمه طبعن كنت صايمه وعملتها فطوري فحبيت اشارك فيها بالمسابقه وهي طبخه كثير زاكيه جربوها مرح تندمو
بسم الله نبدا اول شي بنسلق اللحمه مع المطيبات ورق الغار والبصل وسن ثوم وملح وبهارات بعدين ي عسولات بننقع الرز عبين م تستوي اللحمه بيكون جاهز ومن ثم بنبلش بقلي الخضروات لما تستوي اللحمه ويكون الرز جاهز والخضار مقليه شو رح نعمل سالتوني ورح اجاوبكم
بنقطع بصله شرحات وسن ثوم شرحات بالطنجره اللي رح نطبخ فيها المقلوبه وبنصف الخضره المقليه بالطنجره وفوقها اللحمه وبنصفي ميه اللحمه وبنحط منها فوق الخضار واللحمه وبنتركها تاخذ غلوه وبهاي الاثناء بنقلي الشعيريه بشويه زيت قلي وبنقلبها مع الرز وبعد ماتغلي الميه على اللحمه والخضار بنحط الرز بالطنجره وبنتركها خمس دقائق على نار عاليه وبعدين بنوطي الغاز تحتها لحتى تستوي منيح وتتنشف وبس نتاكد انها استوت وصارت تمام بنطفي تحتها وبنخليها شي خمس دقايق وبعدين بنقدمها مع اللبن وصحن سلطه والف صحه وهنا ي رب ي ريت تجربوها لانها طلعت بتجننن وشكرا الكم
