ليزي بوبس ع زوقك

المقادير

• بواقي كيك او بسكويك او كعك
• كوب جوز الهند
• سكر حسب درجه حلاوة البسكويت
• مكسرات ان وجد
• ملعقة زبده
• ملعقتين كاكاو
• نصف كوب حليب او حليب بودر ملعقتين محلول بمي ومغلي
• ملعقه كريم كراميل
• المقادير مو متقيدين فيها الأهم البسكويت او الكيك او الكعك وكمان الحليب
• تمر او حبات عجوة مفرومين

الخطوات

السلام عليكم ورحمة الله وبركاته كيفكن صبايا اليوم عملت ليزي بوبس وحبيت شاركن فيها

نحن كتير بصير معنا بيبقا عندنا بواقي كيك او بسكويت اواحيانا بنعمل كيكه وما بتزبط او بسكويت وما بيطلع زابط انا بصراحة عملت معمول للعيد وبقي شويت عجين وما بقى عجو فزدت كاكاو لباقي العجينه وعملتها بسكويت ولسا عندي ما حدا اكلهن فعملت منهن هل حلو بس عنجد طلعو طيبين

بنضيف كل المكونات الناشفة وبنخلطهم وبعدين الزبده مع الحليب الحار عشان تذوب البسكويت شوي وبعدين بنخلطهم بالهاند بلندر وبنصير بكورهم ونغطيهم بجوز الهند او بسكويت مطحون او فستق حلبي او كاكاو محله او فارماسيه او فستق حلبي يعني انتو حرين بإختياركم وشو موجود عندكم وحبه لوز بالنص او بلاها وبالثلاجة اقل شي ٤ ساعات وصحتين وهنا

وأهم شي ادعولي دعوه حلوه مثلكم