معجنات الشوكولاه بقوالب ورقيه اروع هديه واروع ضيافه
معجنات الشوكولاه بقوالب ورقيه اروع هديه واروع ضيافه
معجنات الشوكولاه بقوالب ورقيه اروع هديه واروع ضيافه
المقادير
- كيلو طحين ابيض بعادل 7 كوب مقاس
- 200 غرام زبده طريه وبارده
- معلقتين كبار خميره فوريه
- كووب حليب سائل دافي
- كوب سكر
- ثلاث بيضات حجم كبير
- معلقه كبيره خل ابيض
- معلقتين كبار فانيلا
- رشه ملح
- قوالب ورقيه شكل مستطيل
- مقادير القطر:
- كوبين سكر
- كوب مي
- عصره ليمونه
- معلقه صغيره فانيلا
- مقادير الشوكولاه لدهن المعجنات:
- كوب شوكولاه خام
- 100غرام زبده
- معلقتين كبار كاكاو باودر
- معلقتين كبار سكر باودر
- معلقتين كبار شوكولاه دهن لتعزيز النكهه
- للتزين:
- سمسم
- خشخاش
- خليط التلميع:
- بيضه مخفوقه
- معلقه صغيره خل ابيض
- معلقه صغيره فانيلا
الخطوات
بسم الله نبدا
بوعاء العجن بنضع
الطحين والبيض والفانيلا والسكر والزبده والخميره ورشه الملح والخل والحليب وبنعجنن كثيير منيح تقريبا عشر دقائق وبعد هيك بنغطي العجينه وبنتركها لمده ساعه تختمر وبعد هيك بنبلش نقطعها لاربع قطع متساويه وبنرق اول قطعه لشكل مستطيل وبندهنو من خليط الشوكولاه يلي حظرناه بالسابق وبنلف المستطيل لروول كبير
وبنفسم الروول من نصو لنعمل جدله كبيره وبنحطو شكل اكس وبنجدلو وبنظعو في القالب الورقي وبنغطيه من غير ميلامس العجين وبنتركو يتضاعف حجمو وبندهنو بخليط التلميع وبندخلو على فرن حامي على درجه 180لمده نص ساعه تقريبا وبنحمر وجهو ليوخذ اللون الذهبي وبعد منطلعو من الفرن و على طول وهو سخن بندهنو كميه منيحه من القطر البارد ويترك ليبرد ويقدم
والف صحه
مقادير القطر كاستين سكر وكاسه مي وعصره ليمون بنظيفها وقت بدأ الغليان وبنتركهم يغلو لمده خمس دقايق وبنضيف معلقه صغيره فانيلا وبنتركو يبرد منيح قبل تشريب معجنات الشوكولاه
مقادير حشوه الشوكولاه
كوبين شوكولاه خام و200 غرام زبده بنذوبهم على النار وبعد هيك بنشيلهم عن الغاز و بنضيف معلقتين كبار كاكاو باودر ومعلقتين كبار سكر مطحون واربع معالق كبار حليب سائل ومعلقتين كبار شوكولاه دهن لنعزز النكهه وبنخلطهم مع بعض منيح وبنتركهم يبردو منيح قبل استعمالهم
ملااحظات مهمه :
بتقدرو تستعملو شوكولاه نوتيلا او اي نوع شوكولاه لدهنهم بس ما رح تعطيكم النتيجه الي شايفينها بالصور الشوكولاه ثابته ومو ذايبه بعد الخبز وطعمها كتيير زاكي ومميز
بتقدرو تشكلوهم الشكل الي بتحبوه مش ضروري تتقيدو بالتشكيل الي انا عاملتو
بعد متلفو رول الشوكولاه غطوه منيح بنايلون غذائي وحطوه عشر دقايق بالفريزر لتجمد الشوكولاه ويسهل عليكم قسمها من النص من غير متسيح الشوكولاه وتغلبكم اثناء التشكيل
بتمنى تجربو الوصفه وتعجبكم ولا تنسو تضيفوها للمفضله
تحياتي الكم جميعا رشا ام احمد
لا تنسوني من فضل دعواتكم الحلوه
