اضنة كباب ملكة أطباق اللحوم
اضنة كباب ملكة أطباق اللحوم
المقادير
- كيلو لحمة مفرومة
- بصلة كبيرة مبشورة
- أربعة سنان تومة مهروسة
- حبتين فليفلة (اخضر+احمر) مفرومة ناعم
- قرن فلفل حار حسب الرغبة
- ملعقة كبيرة معجون الفلفل
- ربع كاسة بقدونس مفروم ناعم
- حبتين كبار بندورة مبشورة
- ملعقتين كبار زبدة
- أربع ملاعق كبيرة زيت زيتون
- رشة ملح و فلفل اسود
- رشة بابريكا
- رشة كمون و كزبرة
- رشة سماق
- خمس ملاعق كبيرة كبيرة دبس رمان
- ملعقة صغيرة صلصة البندورة
- الرز المدخن
- أربع كاسات رز طويل الحبة منقوع و مغسول
- تلات ملاعق كبيرة زيت ذرة
- ملعقتين كبار زبدة
- رشة ملح و فلفل اسود
- مكعب مرق الدجاج
- رشة زنجبيل
- رشة قرفة
- رشة هيل
- رشة كمون
- بصلة مفرومة ناعم
- أربع سنان تومة مهروسة
- سلطة تركية
- بندورة
- فليفلة
- فلفل
- بصل
- توم
- زيت زيتون
- بقدونس
- رشة ملح و فلفل اسود
الخطوات
تبشر البندورة و البصل و تصفى من مائها تعجن اللحمة مع البصل و التوم و البندورة و الفليفلة
يضاف رشة ملح و فلفل اسود و بابريكا و سماق و كزبرة و كمون و زبدة و ملعقتين كبار زيت زيتون و تلات ملاعق كبيرة دبس رمان و معجون الفليفلة و البقدونس
السياخ الخشب توضع من قبل بماء ثم تنشف ويوضع اللحمة
تشوى بالفرن مع التقليب
يخلط ماء البصل و البندورة و ملعقتين كبار دبس رمان و زيت زيتون و ملعقة صغيرة صلصة البندورة و تدهن اللحمة بها كل شوي بس تستوي بصحن عليه زيت يوضع فحمة مشتعلة وتغطى بالقصدير لتوخد النكهة
للرز
يقلى البصل و التوم ليذبل يضاف رشة ملح و فلفل اسود و هيل و قرفة و كمون و زنجبيل و مكعب مرق الدجاج
يضاف الرز و يقلب
يضاف ماء لتغمره ليستوي توضع الزبدة
يوضع صحن عليها فحمة مشتعلة و يغطى ليأخذ النكهة
للسلطة التركية
تقطع البندورة والبصل و التوم و الفليفلة و الفلفل مع زيت زيتون ورشة ملح و فلفل اسود ويوضع بالفرن
يهرس بالشوكة ويضاف له بقدونس مفروم ناعم
بالهنا والشفا يارب
