فتتشيني إيطالي وجبة سريعة ومغذية

المقادير

• معكرونه فتتشيني ٥٠٠غ
• فطر
• ٢صدر دجاج مسحب
• كريمة طبخ كوبين
• ملح
• فلفل
• مكعب مرق دجاج
• ٤ ملاعق خل زيت
• بصله صغيرة
• ٤حبات ثوم
• للتزيين:
• كزبرة او نعنع
• جبنه شيدر او موزريلا

الخطوات

السلام عليكم ورحمة الله وبركاته كيفكن صبايا جميعاً ان شاء الله تكونو بخير اليوم اليوم عملتلكم وصفة معكرونه فتتشيني طيبة كتير ومغذية بتمنى تعجبكن يلا سوه نروح ع الطريقه

بسم الله بنبلش اول شي بنقطع الدجاج لمكعبات وبنتركو بوعاء وبنضيف لو فلفل وخل نص ساعة قبل ما نبلش بالطبخة وبعدها بنقطع بصلة صغيره و٤حبات ثوم كمان بنقطعو ناعم وبنقليهم بالزيت مع ملح وفلفل ولما يذبلو بنضيف مكعب المرق بعدها بنضيف الدجاج المقطع وبنحرك كويس حتى نتأكد من استوائو يعني وبس نلاحظ انو قرب يستوي بنضيف الفطر حتى يكملو استواء مع بعض وبعد ما تأكدنا من استواء الفطر والدجاج بنضيف كريمه طبخ مع استمر التحريك حتى يغلو مع بعض

بأثناء طبخ المكونات بنكون شغلنا النار تحت المي لسلق المعكرونة مع رشه ملح وملعقه زيت بس تغلي بنضيف المعكرونة حوالي ٤ل٥ دقائق برفعها من المي وبنضيفها للطبخة وبنحرك حتى تمتزج كل المكونات مع بعض وبنضبط الملح وبنسكبو بصحن التقديم وبنرش ع وجهو الجبنة يلي بنحبها وهي سخنه عشان يسيحو وبنزينو بالبقدونس او ورق نعنع وصحة وهنا

لا تنسونا بصالح دعائكم