مجدرة أكلة مقدرة مع سلطة فلاحي يميييييي

المقادير

• للمجدرة:
• كوب عدس بني
• كوب برغل
• ملح
• زيت زيتون
• بصلة متوسطه مقطعه شرائح
• للسلطة الفلاحي :
• بندورة
• حبة بصل صغيرة
• ملح
• زيت زيتون
• نعنع يابس ناعم

الخطوات

مسا الخير يا وردات زاكي جميعاً بعرف انو الكل بيعرف يعمل مجدرة هي اكلاتنا الشعبيه الطيبه يلي فيها فوائد كبيره و أهم شي انها مليئة بالحديد

الطريقة :

بسم الله بنغسل البرغل و العدس بنضع لكل كوب برغل ٣ اكواب مي و لكل كوب عدس كوب مي يعني رح نحط ٤ اكواب مي بالطنجره رح نضيف معها بس العدس و نتركم يغلو حتى يستوي العدس بدهم تقريباً ربع ساعه او اكثر بعد ما يستوي العدس بنضيف البرغل و بنخفف النار لأخر درجة و بنضيف الملح و بنتركهم مغطيين لحتى يستوي البرغل بعد ما يستوي ما يخبص لازم تضل كل حبة بحبتها بنضيف زيت الزيتون بنخلطهم و بنسكب بالجاط بنكون قطعنا البصله شرائح و قليناها بالزيت حتى صار لونها تقريباً بني بس مو محروق و بنزين المجدرة بالبصل المقله

السلطه بنقطع البندورة و البصله و بنضبط الملح و ملعقه صغيره نعنع و صحة و هنا

ان شاء الله تعجبكن و كل وحدة تقلي نفس طريقتها و لا في تغيير بحبكن كتير