أسهل كيكة بدون بيض وبأي نكهة بتحبوها
أسهل كيكة بدون بيض وبأي نكهة بتحبوها
المقادير
- ٢كوب طحين
- كوب وربع سكر
- كوب عصير أو حليب او كاكاو أم ملعقه نسكافيه مذوبة بالماء
- اذا كانت الكيكة سادة بنضيفلها فانيلا او برش ليمون او برش برتقال
- ٦ملاعق زيت
- ٢ملعقه بيكمباودر
- شوكولا نوتيلا للتزيين او شوكولا صلبه بنذوبها مع القليل من الحليب
الخطوات
مراااااااحب
ازيكم ازيكم ان شاء الله تكونو بخير
اليوم نزلتلكن وصفه كيك رهيبة بجد بالعاده بالكيك ما بنستغني عن البيض فأنا كنت جاي ع بالي اعمل كيك وما عندي بيض بكفي فقلت خليني جرب بدون بيض ومنو باكل وما بحس بالزفرة للبيض وجربتها والحمد لله طلعت روعة بنصحكم بجد تجربوها والاحلى من هيك انها بتضل طرية ما بتنشف وما بتحتاج لتشريبه بتطلع طراوتها زي طراوة كيكة المحلات وسريعة اذا اجاكي ضيف ع غفلة
يلا نشرح عن الطريقه بسرعه ما بدي مط وشط بالحكي
اول شي بوعاء بنضيف كل المكونات مع بعض ما عدا الطحين والبيكنج باودر بنخفق المكونات مع بعض حتى يذوب السكر وبنضيف الطحين بالتدريج مع البيكنج باودر حتى تخلص الكميه وبنخفق بالمضرب الكهربائي ٥دقائق بندهن الصينيه بطحينه بس طبقه رقيقه جداً او زبدة او زيت مرشوش بطحين بنصب الخليط بندخلو ع فرن محمه مسبقا ع درجة حرارة ١٨٠ بس يكون بالرف الوسط مايكون ع النار مباشرة بنتركو ربع ساعة بدون ما بَنفتح وبعدها بنتفحصو بعود خشب لما نحس انو استوه بيأخذ من ٣٠ إلى ٤٠ دقيقه تقريباً عملتها كذه مرة وطلعت روعة ان شاء الله تجربوها واذا طلعت طيبه ادعولي واذا موووووووطيبة سامحوني وصحة وهنا
