طبخة خضار مشكلة بلحمة راس عصفور ملكة أطباق اللحوم

المقادير

• بصلة كبيرة
• ثلاث سنان ثوم
• بندورة مهروسة
• ملح
• فلفل أسود
• زيت نباتي
• كيس خضار مفرزة مشكلة طبعا كله مقطع بيحتوي على:
• بروكلي
• بطاطا
• بازيلا
• جزر
• كوسا
• ذرة حلوة
• فاصوليا خضرا

الخطوات

هالاكلة على قد ما هي بسيطة على قد ما هي لذيذة وبتشهي ومفيدة كمان وممكن طبعا نستعمل خضروات طازجة بس أنا ما كان متوفر عندي فاستعملت الجاهز المفرز

والطريقة بفرم البصل ناعم وبقليه بالزيت بالطنجرة لما يذبل شوي بقشر الثوم وبفرمه ناعم وبضيفه لما يتقلوا مع بعض بضيف اللحمة وبقلبهم بعدين بضيف الخضار وآخر شي البندورة وممكن أضيف معلقة أو ملعقتين مية بندورة منشان تتقل اكثر ومنشان اللون لحد ما تستوي بطفي عليها وبقدمها مع رز او خبز

وصحة وهنااااا