افضل طريقه لتفريز الباميه

المقادير

• كيلو باميه
• ماء ساخن
• معلقة ملح
• عصرة ليمون

الخطوات

بسم الله الرحمان الرحيم

يسعد اوقاتكم حبيباتي اشتقتلكم كثير كثير كثير ربنا ما يحرمني منكم يا قمرات

كيف نفرز الباميه بطريقه سهله وسريعه ومضمونه

تعالو نشوف الطريقه

اول شي ياقمرات بنحضر الباميه وبنضفها من المواد العالقه فيها خاصة بقايا الزهور تبع الباميا بتكون متل الخيطان وبتعلق لازم نشيلها حتى ما تغلبنا اثناء الغسيل وبنحضر جاط فيه مي وبنغسلها مزبوط اكثر من مره وعلى الصفايه على طول وبعد ما تتصفى كويس بنحضر صينيه وبنضع فيها فوطه نظيفه وبنضع فيها الباميه وبنتركها تتخلص من المي وبعدين بنقمعها لازم نقمعها بعد الغسيل مش قبله حتى ما تغلبنا اثناء الغسيل

بنحضر طنجره على الغازوبنضع فيها معلقة ملح صغيره وعصرة ليمونه وبعد ما تغلي بنزل الباميه فيها وبنتركها لمدة 3 دقائق وبنطلعها بالمصفايه وعلى الحنفيه على طول وبنضع عليها الماء الفاتر وبنكون محضرين جاط فيه ماء بارد جداوالافضل يكون معه قوالب من الثلح وبنزل الباميه فيه لمدة 3 دقائق تقريبا وبنصفيها مزبوط وبنتركها تتصفى من المي وبنحضر سدر وبنضع فيه فوطه نظيفه وبنفرد الباميه بداخله وبنتركها حتى تتخلص من المي كله بداخل المطبخ ما بنعرضها للشمس حتى ما يتغير لونها الاخصرالجميل وبنعبيها باكياس التفريز والف صحه وهنا…جربوها رح تعجبكم

استودعتكم لله الذي لا تضبع ودائعه يا احلى وردات بالوطن العربي ربنا يهدي بالكم ويصلح احوالكم ويشافي مرضاكم ويحميكم ويحمي اطفالكم