طريقه عمل كيكه الشطرنج

المقادير

• كيكة فانيلا
• كيكة كاكاو
• كريمة مخفوقة مع معلقتين شوكلا نوتيلا
• معلقة نسكافيه مدوبة بنص كاسة حليب
• للتزيين:
• جوز هند
• فارمسلي

الخطوات

~يسعدلي كل اوقاتكن حبيباتي حبيت اقدملكن هالكيكة ان شالله تعجبكن يلا نبلش

♤بسم الله الرحمن الرحيم♤

عملت كيكتين وحدة فانيلا و وحدة كاكاو و الطرق موجودة بملفي بعد مابردو تمامآ قصيتن بالنص صار عندي اربع كيكات جبت قطاعات من اكبر لاصغر وصرت اقطع كل كيكة تلات اقسام لصار عندي اربع احجام

بعدين اخدت القطع و صرت ابدلها بين الاسود و الابيض يعني اخدت الدائرة السودة حطيتها مكان البيضة و البيضة مكان السودة, و نفس الشي بالقالبين التانيين

بعد ماجمعتن مع بعض بلشت رتب قالب اسود و اسقي بالنسكافيه و ادهنو كريمة واحط قالب ابيض فوقو اسقي بالنسكافيه و ادهنو كريمة حتى خلصت كل الطوابق بعدين دهنتو كلو بالكريما و دخلتو الفريزة نص ساعة

جبت كرتونة و رسمت عليها مربعات و بلشت اترك مربع و افرغ مربع و ازينو بالفارمسلي و جوز الهند  و هيك لخلصت كل الكيكة~

و هي كانت كيكتي لليوم ان شالله تنال اعجابكن

و لازم تجربوا لانو كيكة طعمتا بتاخد العقل

و اذا جربتوا لاتنسوني من دعوة حلوة متل قلبكن

♤و الف صحة و هنا♤