مرقة بالحمص كتير طيبة

المقادير

• كاسة حمص حب
• دبس بندورة تلات معالق كبار
• لحمة ناعمة او خشنة حسب الموجود
• بصلتين كبار
• قرنين فليفلة خضرا
• ملح وفلفل اسود

الخطوات

يسعدلي كل اوقاتكن يارب

حبيت اقدملكن هالاكلة التركية كتير طيبة وواحد بغير شكل عن الاكل المعتاد يلا نشوف الطريقة

بسم الله الرحمن الرحيم

نقعت الحمص ليلة كاملة

تاني يوم غسلتو منيح وسلقتو لوقت استوا عالاخير

قليت اللحمة مع البصل والفليفلة لدابو نزلت عليهن بالحمص وقليتن سوا ضفتلن ملح وفلفل اسود وحركتن شوي

دوبت الدبس بندورة بمي ساخنة وضفتا فوق الحمص وتركتن يتعقدو منيح

طبخت جنبا رز بشعيرية وقدمتا بهالشكل

ان شالله تجربوا وتعجبكن

والف صحةوهنا