شموع مضيئة إلى الأبد وببلاش! ملكة الإبداع

المقادير

• كؤوس زجاجية شفافة
• خرز وورود وزينة اختيارية
• ماء
• زيت
• بلاستيك
• فتيل شمعه

الخطوات

شموع مضيئة إلى الأبد

السلام عليكم ورحمة الله وبركاته

فكرة اليوم شفتها من زمان وحبيتها بس ما كنت مصدقه انه في شموع بتشتعل بالماء وبتضل مشتعله على طول ، واليوم اجت الفرصة اني اجربها وحكيت اذا زبطت بشاركها معكم وإذا ما زبطت بنسى الموضوع وكان الله بالسر عليم، ولكن المفاجأة فعلا كانت لما نجحت نجاح باهر ، عنجد اني مازلت مندهشه من هالشموع ، طولت عليكم خلينا نشوف الطريقة

أولاً/ اختيار الكؤوس

بنختار كؤوس الشموع شفافة وتكون منظرها حلو ولطيف لإنه بالنهاية الشموع منظر.

اخترت كؤوس الها قاعدة وكأس طويله.

ثانياً/ الاكسسوارات والزينة

بنجيب اي زينة بتعجبنا انا بحب اللؤلؤ والورود ، اصداف البحر كثير رايقه وحلوة كمان.

ثالثاً/ الية العمل

بنثبت الاجسام الخفيفة بقعر الكأس لإنها رح تطوش عالمي اذا ما ثبتناها اما الخرز والصدف مارح يطوش.

* بنملأ الكأس بالماء للثلثين

* ممكن تلوين الماء بملون غذائي انا حبيت الوّن وحدة بالازرق زي بيئة البحر يعني مع الاصداف حلوة بتطلع.

ووحدة زهر انثوي ووحدة تركتها بدون الوان.

*بنقص دوائر من بلاستيك شفاف يكون ثقيل شوي كل ما كان اثقل بكون افضل ، اذا خفيف رح ينحرق وتفشل الشمعة.

*بندخل فتيل شمعة قصير يكون في وسط البلاستيك. فتيل الشمعة اخدته من شمعة عادية بيضا.

*بنصب ملعقتين زيت اي نوع على وجه الماء وفوقه البلاستيك رح يطوش.

* شمعتنا حاهزة ومدهشة فعلا

رابعاً/ مدة اشتعال الشمعة

هاي شموع ما بتذوب ولا بتنتهي انا مش متأكدة من سبب اشتعالها المستمر بس اتوقع الزيت هو السبب لانه بيتسرب بالفتيل وبيضل مشتعل على طول ما بتنطفى الشمعة ابدا .

* بالنهاية بتمنى تكون الفكرة عجبتكم وتجربوها مابدها شي كلشي موجود بالبيت . ومشكوورين عالمتابعة.