شاورما بيتي ولا أطيب
شاورما بيتي ولا أطيب
المقادير
- ٤صدور دجاج
- ملح
- نص ملعقة فلفل
- كاري نص ملعقه
- ٢ملعقه بهارات شاورما
- ٢ملعقه معجون طماطم
- ٣ملاعق زبادي
- ٤شرحات ليمون نصف كوب خل
- نص ملعقه كمون هيل
- بطاطا مقلية
- للف السندويش :
- مخلل شرايح
- مايونيز
الخطوات
السلام عليكم و رحمة
الشاورما و ما ادراك ما الشاورما عشق كتير من الناس و انا من بينهم عملتها و حبيت شاركن فيها
بسم الله بنبلش
اول شي بنقطع الدجاج لقطع متوسطه او شكل شرائح او مكعبات بضيف للدجاج جميع انواع البهارات و الخل و الليمون و الملح و الزبادي و معجون الطماطم و بنتركهم ساعتين حتى ياخدوا الطعم بنجهز الطنجرة او مقلاة ع النار مع شوية زيت و بنضيف كلشي معنا بس بنحاول ننزل السوائل الزايدة قبل ما نحطهم فوق الزيت بعد هيك بنضل نقلب فيهم ع نار متوسطة بهي الاثناء بنقلي البطاطا و بنرجع نطمن ع الدجاج و لما ينشف السوائل بنخفف للنار و بنضل نقلب حتى يتحمص الجاج هيك بتكون الخلطه جاهزة لنعملها سندويش مع ملعقه مايونيز مع كم شرحة مخلل و كم حبة بطاطا مقليه
انا ما كان عندي خبز شاورما و عملتو بخبز عادي و طلع كتير زاكي بنرجع بكبسهم بالجرل او نقطة زيت بمقلة ع النار جربوها رح تطلع كتير طيبة
و صحة و هنا
