اسرع خلطة لتبييض اليدين سلسلة وصفات الجمال 7 ملكة الإبداع

المقادير

• ملعقتين جليسرين سائل
• ملعقتين عصير ليمون
• ملعقتين ماء ورد

الخطوات

السلام عليكم ورحمة الله وبركاته

خلطة لتبييض اليدين خلال اسبوع من الاستخدام وممكن تستخدميها لأي مكان بالجسم وهالخلطة رح تغنيكي عن اي كريم مرطب لليدين بإذن الله ورح تلاحظي طراوة ايديكي واذا داومتي عليها بشكل مستمر رح تلاحظي البياض وخصوصا اذا عملتي تقشير لليدين مرة او مرتين بالاسبوع باستخدام السكر والليمون او السكر والزيت ،،طبعا مدة صلاحيتها تدوم حتى 6 شهور بإذن الله ومو شرط تحفظيها بالثلاجة ،، أنا عن نفسي استغنيت عن كريمات الايدين من لما استعملت هاي الخلطة صارت هي الكريم اليومي لإيدي وحتى للرجلين حطيها وادهني بعدها كريم جليسوليد واذا كان عندك سطوح برجليكي رح تخف وتروح مع الوقت والعناية بإذن الله.

بسم الله نبدأ …..

نخلط المقادير المتساوية مع بعض ونضعها بزجاجة ونستخدمها يومياً خصوصا قبل النوم وبعد الجلي او الغسيل وان شاالله بتنسي شي اسمه خشونة اليدين او النشاف وتصير ايديكي طرية وبيضة وناعمة وبتقدري تضاعفي المقادير

انا عملت كمية بسيطة عشان اصور الوصفة لأنه عندي لسا من 3 شهور عملتها ولسا بستخدمها وان شاء الله بتجربوها وبتعجبكم وبتدعولي كمان

مع تحياتي أم جيلان