نبتة قطر الندى او تراجي العروس كيف يمكننا زراعتها والاكثار منها

المقادير

• قصف من النبته
• تراب
• ماء

الخطوات

بسم الله نبدأ

كيفكم يا وردات اشتقتلكم كثير

بما انه المسابقه بعدت شوي عن الاكل و اخذت مسار ثاني حتى يستفيد الحميع بشكر الادمن جزيل الشكر على جهودها معنا و تلبية طلباتنا

حابه اليوم اقدملكم نبته كثير روعه لو انزرعت لوحدها بالبيت بتحوله لجنه سواء على مدخل البيت او بالبلكونه او على الارض بالحوش لانها وين ما تحطيها بتعيش وهذه النبته سريعة النمو وردها على زهر او فوشي كثير جميل و منظرها ببعث السرور بالنفس لو زرعتيها عندك بالبلكونه و هي نبات متسلق

بتاخذي من اي مكان متواجده فيه اكم قصفه و بشيلي الورق عن ساقهم من الاسفل و بتزرعيهم و بترويهم بالمي و بتتركيهم بالضل لمدة اكم يوم بهاي الفتره لاتكثري مي حتى ما تتلف و بعدين عرضيها للشمس و بالصيف بدها ري يومي حتى ما تذبل او حسب و بالشتا الري بكون اخف و هاي الشتلات اذا اهتميتي فيهم رح تعمل بيتك جنك خاضه اذا تابعتيهم و ضليتي تزرعي منهم

ان شاء الله تعجبكم و تزرعوها ببيوتكم ربنا ينور حياتكم على طول

استودعتكم لله