١٠ وصفات طعام للبيبي من ٦ اشهر وما فوق ملكة الإبداع

المقادير

• تفاح
• موز
• عسل أو سكر
• اجاص
• سميد ناعم
• بلح او عجوة؛
• زبادي
• حليب مجفف او طبيعي واذا كان تحت السنة حليب خاص بعمرو
• رز
• بسكوت شاي

الخطوات

السلام عليكم ورحمة الله وبركاته كيفكن صبايا جميعاً

اليوم حبيت نزل بعض الوصفات يلي بنقدر نطعميها للأطفال بعد ال٦ أشهر وهي من الاقتراحات يلي كنت كتير حاببها فكرة للمسابقه بس الادمن يعطيها العافيه ما قصرت وماحبت تخجل حده فكان الإبداع مفتوح للجميع ماشالله والصبايا كفو ووفو لهيك حبيت نزل اكلات للبيبيات مشان الأمهات يلي بتعاني من هل مشكله مثل ما انا كنت عاني وان شاء الله كون فدت بعض الأمهات الجدد بهل وصفات البسيطة

وحنبلش بالوصفات بالترتيب

الوصفة الأولى؛

تفاحة مقشرة ومقطعه مع موزة بنهرسهم بالبلندر حتى يصير ناعم وسهل ياكلو الطفل بحكم ما عندو أسنان وبنذوق نسبه الحلاوة اذا حتجنه بنضيف رشة خفيفه جدا سكر ويكون استعمال فوراً لأنو التفاح والموز فورا بيسود

الوصفه الثانيه؛

موزة ٣حبات تمر او عجوة منقوق بمي سخنة بعد بنقشر حبات التمر اذا كان القشر سميك وسهل الاستخراج وحبة النوة وبنهرسو مع الموز حتى يصير ناعم

الوصفة الثالثة؛

٣حبات تمر منزوع النواة والقشر ومنقوع بمي سخنة بنهرسو حتى يصير ناعم بغلاية قهوة خاصه للبيبي بحط ملعقة سميد ناعم وفنجان من الحليب وزي ما قلت ع حسب عمر البيبي اذا كان أقل من سنة بضيف حليب خاص للأطفال او مي بدل الحليب بحدك السميد والمي او ( الحليب) حتى يغلي وبنضيفو فوق التمر المهروس

الوصفه الرابعة؛

بسكوت شاي ٥حبات مع شوية حليب وبنذوبهم

او عصير برتقال بدل الحليب

الوصفه الخامسة؛

فواكه مشكله زي فراولة وموز ودراق ومشمش تفاح واجاص بدون قشور بنهرسهم مع بعض مع نصف ملعقه صغيرة عسل

الوصفه السادسة؛

بطاطا مسلوقه ومهروسة وبنطريها مع زبادي حتى يسهل ع الطفل بلعها

الوصفة السابعة؛

أرز مطبوخ من طبخ البيت مع الزبادي واذا كان البيبي ما بيتقبل حبات الرز بتقدري تهرسيها بالبلندر بشرط الرز يكون بهارات قليله

الوصفة الثامنة؛

تفاحة مقشرة ومقطعه مع حبة جرز مقطعه مع ملعقه رز مغسولة بطبخهم بمي بس بغمرهم بالمي وكل ما نقصت المي بزيدلهم حتى يستوي كل شي بعدين بخلطهم حتى يصيرو ناعمين بقدر اعمل كميه لاسبوع مو اكثر بحطهم بمرطبان معقم بالثلاجة وكل ما بدي حط وجبه للطفل بنضيفلها شويه سكر او عسل اذا كان فوق السنه واذا كان الخليط بارد بسخنو شوي ما في مشكلة

الوصفة التاسعة؛

الزبادي لوحدو وبحد ذاتو وجبة غذائية ومفيدة للأطفال وبتقدري تعمليها بالبيت وسبق ونزلتها

الوصفة العشرة؛

الأرز بالحليب حلوة بحبها الأطفال ومفيدة كمان سبق ونزلتها كمان

هي كانت وصفاتي ان شاء الله كون فددت بعضكم

منكن والله يحفظ لكل ام أطفالها