طريقة المطابقة
طريقة المطابقة
المقادير
- اولا للعجين:
- طحين ابيض
- طحين قمح
- سمسم
- حبة البركة
- ملح
- ماء
- مقادير الحشوة للعجين:
- بصل مفروم مكعبات
- زيت زيتون
- ملح
- معلقة هيل
- نص معلقة صغيرة فلفل اسود
- بصل
- توم
- ليمون
- ملح
- فلفل اسود
- معلقة صغيرة هيل مطحون ناعم
- للزينة:
- شرحات ليمون
- سماق
الخطوات
بسم الله نبدأ اخيرا رجعت اعمل وصفات طبعا مش مني التأخير كان خطأ بالحساب اليوم عملت مطابقة وهاي أكلة شعبية بالشمال معروفة عندنا بتشتهر بموسم قطف الزيتون يعني عالزيت الجديد هههههه والمسخن والمكمورة كلها اكلات بدها زيت زيتون بلاش نطول عليكم يا معدلات اولا بفرم البصل مكعبات اكيد البصل بدو من 2ك إلى 3ك انا اعملت اربع مطابقات فيهم بعد فرم البصل بنضعه بالطنجرة وبنضع عليهم زيت الزيتون وبضل اقلب فيهم بين الفترة والتاني حتى يذبلوا وبظبط الملح والفلفل وبحط عليهم هيل بعطي طعمة زاكيه حسب الذوق ما بحط اي نوع بهارات اخر نهائي بس يذبلوا بخليهم ع جنب يبردوا شوي هلا العجين بحكيله عويص يعني من دون خميرة بحط الطحين بجاط العجن وطحين قمح عليهم تقريبا 2ك طحين ابيض ونص كيلو طحين قمح أقل شوي بنظف السمسم من الشوائب وحبة البركة وبحطهم عالطحين وملح وببلش اعجن وبجهز العجين بدهن صدر إلى بدي احط فيه قطع العجين بزيت زيتون وبقطعهم حتى يرتاحوا ربع ساعة عشان يفرد العجين بكل سهولة هلا بدهن الصدر إلى بفرد فيه العجين بالزيت بسهل علينا الفرد وبحط عليه من البصل إلى ذبلتوا ويكون برد وبفرد البصل وبصير اطبق العجين اول قطعة بفرد وحدة تانيه وبحط عليها بصل وبجيب القطعة إلى عملتها وطبقتها بالأول وبحطها وسط القطعة التانية ي إلى فردتها وبطبقها والقطع التالتة وهكذا انا بعملها تلات طبقات ومرات طبقتين حسب ما بتحبها رقيقة أو سميكة شوي انا صدر الشوي واسع لهيك عملتها تلات طبقات بتركها ترتاح وبعد ما ترتاح برجع أفرد المطابقة عالصدر بكل صدر حطي تقريبا كاسة زيت زيتون وبشويهم بجهز الجاج طبعا بكون منظف ومغسول منيح بالملح بفركه وزيت زيتون وليمو ن وبغسله وبصفيه بجيب بصل وتوم بفرمهم وبحط الجاج بالصينية وفلفل وملح وعصير ليمونه وزيت زيتون وهيل بفرك الجاج منيح وبنقهم شي نص ساعة حتى تعزز النكهة وبحطهم بالفرن حتى يستوي بعدين بعطييهم وجه تحمير بعد ما يحمر الجاج بزينه بالسماق وشروحات الليمون والمطابقة بدها الوجه رشه سماق وبحطهم للمطابقات فوق بعضهم وبقطعهم متل البيتزا مثلاثات مع الليمون والسماق تحفة بتمنى تنال اعجابكم
