طريقة الرشداية أو المقطعة
طريقة الرشداية أو المقطعة
المقادير
- لبن رايب مخلوط عالخلاط وعليه بيضه عشان ما يفرط اللبن وكاستين ميه لبن رايب
- باكيت ماجي
- هيل
- طحين
- عدس حب
- بصل
- زيت زيتون
- فلفل أسود
- ملح
- هيل
- كركم
- بصل عدد 2
الخطوات
بسم الله نبدا هاي الاكله من الأكلات القديمة اولا بخلط اللبن تقريبا 2ك لبن رايب وعليهم كاستين ميه وبيضه عشان ما يفرط اللبن وبحطهم عالغاز وبحرك فيهم حتى يغلي اللبن وبحط عليهم مكعبين ماجي وهيل وكركم وبظبط الملح إذا كان بحاجة وببهبط النار تحتهم هلا العدس بسلقه حتى يستوي في هاي الأثناء بجيب الطحين وبحط عليه ملح وبعجن متل عجينه الششبرك بقطعهم يرتاحوا بعد ما يرتاحوا برش طحين وبفرد العجين بالشوبك وبجيب طحين وبحط عليها فوق العجين إلى فردته عشان لما اقطعها ما تلزق وبلفها ع شكل رل وبقطعها بالسكين قطع صغيرة بعد التقطيع بنخلها من الطحين الزائد وبسقطها باللبن طبعا الكميه حسب ما بدك طبعا انتبهي لنقطة انه اللبن رح يشتد عشان هيك انتبهي لكميه العجين إلى بتسقطيها باللبن لا تكثري عجين وبكون العدس صار جاهز بتصفيه وبتحطيه ع اللبن وبتحركيه شويه بسيطة حتى يختلط وهلا بنجيب بصلتين بفرمهم وبقلبهم بزيت زيتون وشوي ملح وفلفل وبطشهم عالوجه وبخلطهم وبنضعه بجاط البايركس ويقدم ساخن خلي اللبن شوي زايد عن العجين بكون أزكى انا هون كان قليل اللبن عندي مش كتير يعني شوي
