طريقة لتخفيف سيلان الأنف عند الأطفال ملكة الإبداع

المقادير

• نص معلقة صغيرة كربونة
• نص كاسة صغيرة مي دافي
• سرنجة او قطارة

الخطوات

مسا الخير كيفكم احنا بنعرف هسة وقت تقلب الطقس وتغير الموسم من الصيف للخريف للشتا بكثر الرشح عند الأطفال بهالفترة وبما انو ابني رشح وانا متعودة بس يرشح بستعملو هاد المحلول الي بخفف اثر الزكام كتير وبريحو خصوصآ عند النوم وهسة كيف بستعملو بكل بساطة بجيب مي دافية ما تكون فيها حم ابدآ دفا بس ولا تكون باردة وبحل فيها الكربونة وبعدين بحط واحد مل بكل فتحة من الانف الطريقة بقعدو ع رجلي وبرفع راسو شوي لفوق وبحط السرنجة او القطارة ع فتحت الأنف وبفرغها دفعة وحدة لجوا وبصراحة كتيييير فعالة وبستعملها الي من جبتة وهو بيبي وبرتاح عليها وبنام بس ملاحظة اذا كان الطفل عندو حرارة واعراض اخراى لازم تراجعي في الطبيب

وبعدين بهالوقت كترو من شرب منقوع اليانسون بقاوم الفلونزا وكتير مفيد وانا شخصيآ ما بقطعو نهائي اول ما بفتح عيوني الصبح بعمل يانسون وبشرب انا وزوجي ووأولادي كتييييير مفيد

وبس خلص هيك وبتمنى السلامة الكم ولولادكم وكل غالي عليكم وللمسلمين والمسلمات وان شاء الله تجربوها وتدعولي يا أغلى اخوات احبكم بالله