كعك اليانسون المقرمش سلسله وصفات اكلات للمدارس ١
كعك اليانسون المقرمش ..سلسله وصفات اكلات للمدارس ١
كعك اليانسون المقرمش ..سلسله وصفات اكلات للمدارس ١
المقادير
- ٢ كوب طحين
- ربع كوب كاسترد ( او نشا)
- ٢ م ك يانسون حب
- ١ م ك خليط من السمسم وحبه البركه
- ١ م ك بيكنج باودر
- ٤ بيض بحراره الغرفه
- م ص ملح
- ١ كوب سكر
- ١ كوب زيت نباتي
- ١ م ص خل ابيض
- لتزيين الوجه:
- يانسون حب
- سمسم
- حبه البركه
- للتبطين:
- زيت نباتي
- طحين
الخطوات
السلام عليكم ورحمه الله كيفكم حبوباتي يا امورات يا لزوزات …ان شاء الله تكونو بخير وصحه
اليوم حبيت اعمل سلسله باسم اكلات للمدارس …..مين فينا اولادها بيصحو ما بيرغبو الاكل …وبالعافيه لمن يحط بتمو لقمه الصبح ….ولا يروحو مش اكلين الساندويشه … لانهم زهقو من الروتين ..اووو كالعاده ماما بطني بوجع هههههههه ….كلنا بنعاني نفس المعاناه ….ولهيك حبيت اقدملكم شوية وصفات ان شاء الله تفيدكم ويحبوها اطفالكم ..ولو اكلو منها قطعه بتكونو مفيده وتغييير عن الساندويش الممل …((((( طبعا الحمدلله ع النعمه والله يحفظها من الزوال )))) بس اطفالنا بيملو بسررررررررررعه
خلص يا بنت الناس بكفي لعي وبرم وبلش بالطريقه ….اه اه صح ييييي نسيت ههههههههه يلا نبلش
واول وصفه هي كعك اليانسون المقرمش …هي بتيجي ما بين القرشله والشابورة …زاكي بدرجه رهيييييييييبه ومقرمش وطري بنفس الوقت … يعني مش متل المحلات بدها كاسه شاي لتتاكل …لا
نشعل الفرن ع درجه حراره ١٨٠ الرف الشبكي الاوسط
ننخل الطحين مع الكاسترد والبيكنج بادور ….ثم نضع اليانسون والسمسم وحبه البركه ونخلط
بالخلاط نضع البيض مع الملح والخل ونضرب ….ثم السكر ونضرب جيدا لحتى يصير لونو ع بيلض شوي ويذوب السكر ….ثم نضع الزيت النباتي ونضرب
نضعهم فوق خليط الطحين ونحرك جيدا بدون مبالغه …الخليط ثقيل اثقل من خليط الكيك ورح تشوفوه كيف بالصور
ندهن بايركس حجم كبير بزيت والطحين …..ثم نضع الخليط وع الفرن مده نصف ساعه بالزبط …نختبرو متل اي كيكه
نطلعو لحد ما يدفا …ثم نقطعو ونصفو بصينيه …وع الفرن الواطي جدا لحتى تتقرمش ونقلبهن ع الجهه الثانيه ….وبس يبردو بيكونو جاهزين للمدرسه ولافطار الحلوين اولادكم
ان شاء الله تعجبكم وبالف هنا وصحه
