أحلى فطور مصري فطير مشلتت مورق
من الاكلات التراثية العريقة عند المصريين هو الفطير المشلتت, ستخبرنا صديقة زاكي المصرية Gogo Hassan الطريقة خطوة بخطوة مع الصور, لنتابع معها.
احلى صباح على احلى بنانيت وماميز فى الدنيا
واتفضلوا احلى فطور مصرى من صنع ايدى فطير مشلتت خفيف ومورق ومربى البرتقال عملتها لاول مرة وطلعت روووعة بجد اما العسل من برطمان العسل يلامدوا ايديكم بس كل واحد ياخد سلايز واحدة علشان كله ياخد وده من تراث اكلنا المصري
ويارب بعجبكم هو والمربى
ثلاث كوب دقيق خاص بالمعجنات والفطائر مش للحلويات علشان يسهل الفرد ورشة ملح ومعلقة سكر بودرة وماء للعجن وده طبعا حسب نوع الدقيق وغالبا يكون كوب او اكتر حسب العجينة ومعاهم معلقتين زيت ويعجن بالعجان لحد ماتلم العحينة او بايديك واهم حاجة تخديها وتكملى عجنها على رخامة حوالى خمس دقائق تانين لحد ماتحصلى على عجينة شبه الصورة دى نجيب شوية زيت فى طبق ونمسح ايدينا بيه ونقسم الجبنة كور حوالى سبع كور وده حيعمل لنا فطيرة كبيرة ونرص على سطح مدهون زيت وعلى كل كورة ندهن زيت ونغطيه بالنايلون او نحط الصينية بكيس علشان الوجة ماينشف وتترك ترتاح حوالى ساعة او اكتر علشان يسهل الفرد
دى بعد ماترتاح حوالى ساعة او اكتر حتفرد انا عملت كميه اكبر وعملتها مسكرة بالكاستر علشان الكور اكتر
وطبق الزيت موجود حنفرد بيه
ناخد كورة ونفردها وطبعا نمسح الرخام بزيت ونبلل ايدينا بالزيت ونفرد الكورة رقيقة جدا زى الصورة ونرش السطح بالسمن السائح ونطبق زى الصور
نطبق الفطير زى الصور واهم حاجة كل تطبيقة نحط سمن بادينا كده ونطبق على شكل مربع
نتركها ونفرد الكورة التانية زيها
نحط الفطيرة فى نصفها ونطبق زى عليها وماننساش السمن على كل تطبيقة
نكرر نفرد الكور ونحط اللى نتركنها فى الوسط وهكذا ونحطها فى صينيه وتترك ترتاح شويه ووتتبطط فى الصينية بالسمن وندخل فرن مشتعل على درجة الحرارة ٢٠٠ من فوق وتحت ومش بياخد وقت طويل ويطلع احلى فطير
ملاحظة للتوضيح:
احنا بنحط فطيرة بعد مانفرد التانية ونطبقها عادى زى الاولى تبقى اتنين جوا بعض ونفرد التالتة نحط الاتنين اللى جوا بعض فى نصف المفرودة ونطبق تبقى شكلها مربع زى المعتاد ونكرر نفرد ونحط الفطير اللى موجود جوا بعضه فى اخر فطيرة مفرودة ونطبقها ويبقى كله فطيرة واحدة مربعة ونحطها فى الصينية ونتركها ترتاح شوية ثم تفرد لحد ماتملئ الصينية الوجه ندهنه بالسمن قبل دخوله الفرن بيكون المقدار من ستة لسبع كورات انا عملت مقدار اكبر من المقدار لانى عملت بالكور الباقية فطير بالسكر والمكسرات ورشيته بالسكر البودرة زى الصورة دى
هدية للقارئ, طريقة عمل مربى البرتقال:
كيلو ونصف برتقال مقشر ومقطع حلقات وكيلو الا ربع سكر وكوبين عصير برتقال او كوب عصير برتقال وكوب يوسفى ومعلقة كبيرة عصير ليمون معلقة عسل جلوكوز لو موجود ويوضع على النار الهادية حوالى ساعة الا ربع وناخد المربى ونضربها بالخلاط ضربة واحدة ونكمل بعد كده سواها
بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي