طريقة الشاورما البيتي
طريقة الشاورما البيتي
المقادير
- صدور دجاج
- علبة لبن
- حب هال مطحون
- معلقة كاتشب
- بهارات شاورما
- ملح
- فلفل اسود
- برش برتقال
- برش ليمون
- فنجان خل صغير
الخطوات
مسى الخير صبايا ….. هاي اول وصفة بنزلها بتمنى تعجبكم
اول شي بقطع صدور الدجاج بشكل طولي بعد ما اكون منظفيتهم كتير منيح
بضيف عليهم اللبن والخل وملعقة كاتشب وبهارات الشاورما وحب الهال وبرش البرتقال او الليمون مع عصرة ليمون والفلفل الاسود او فلفل ابيض ولا ننسى الملح طبعا ….. وبنخليهم ليلة او اقل شي ٣ ساعات بالتلاجة
بصفيهم من الخلطة بضيف نتوفة زيت بالمقلاة وبخليهم على نار هااااااادية لحين الاستواء
بس يستوو بدخنهم بفحمة حتى يكون في طعم الشواء
بفرد رغيف الخبز الشراك الصغير وفيكي تعمليه بالبيت ….. بحط شوية مثومة وشرائح مخلل خيار وبطاطا مقلية مع رشة بهار بطاطا او بابريكا والازكى تكون حارة شوي وبعدين الشاورما وممكن شرائح جبنة ازا بتحبيها تشيز
بلف الساندويش وعلى القريل
وصحتين وعافية
