حلا الشموع بجوز الهند ملكة الحلويات الباردة

المقادير

• كاسة جوز هند
• نص كاسة حليب مكثف محلا
• للزينة:
• اعواد قرنفل
• شوكلا بيضا

الخطوات

يسعدلي كل اوقاتكن حبايبي اشتقتلكن كتيررررر كتيرررر ان شالله تكونو كلكن بالف خير وعافية

حبيت اقدملكن هالحلو الي فيكين تحضروه بابسط المكونات بس بطعمة لذيذة يلا نبلش ونشوف الطريقة

☆بسم الله الرحمن الرحيم ☆

جبت جوز الهند وحليب المكثف وخلطتن سوا وتميت ادعك فين (اعجن) لوقت مسكو عبعض وصارو عجينة هلق انا استخدمت جوز هند خشن عزبني شوي اذا عندكن ناعم بكون افضل

جبت نايلو ولفيتن حسب سمك الي انتو بتفضلو ولفيتن منيح بالنايلو مع ضغط الاطراف ليمسكو اكتر

تركتن بالفريزة ساعة لحتى يتماسكو اكتر

بس طالعتن اقطعتن قبل مااشيل النايلو لانو جوز الهند ماساعدني بالتقطيع طبقتن بصحن التقديم وشكيت بنصن عودة القرنفل وحطيت عالاطراف شوكلا بيضا وقدمتن

والف صحةوهنا

جربوا ولاتنسوني من دعوة حلوة متل قلوبكن♡