هرم البسكوت والموز ملكة الحلويات الباردة

المقادير

• باكيت بسكوت
• كاستين حليب
• معلقة نشا
• معلقة طحين
• معلقتين كبار زبدة
• نص كاسة سكر اكتر او اقل حسب الذوق
• معلقتين كبار شوكلا دهن
• موز
• للتزيين:
• كريمة
• صوص

الخطوات

◇يسعد كل اوقاتكن ان شالله تكونو بالف خير ◇

بسم الله الرحمن الرحيم

حطيت الحليب ودوبت معو النشا والطحين والكاكاو حطيتن عالغاز وضليت احرك فين لوقت بلش يغلي ضفت السكر والزبدة وخلطتن بعد ما سمك الخليط وصار تقريبا متل البودينغ حطيت الشوكولا وتركتو يهدا ويبرد شوي

مديت نايلو وجبت البسكويت وحطيت تلاتة بالعرض وتلاتة بالطول( طبعآ الطول انتو بتتحكو فيو بس رح ياخد بسكوت اكتر )

حطيت شوي من صوص الي عملناه ووزعتو منيح وارجعت حطيت طبقت بسكوت ودهنت صوص بعد ماعملت طبقتين حطيت الموز بالنص وحطيت بس عالاطراف بسكوت ودهنتو صوص

جبت الاطراف ولميتن عبعض ليعطينا شكل مثلث ودخلتو الفريزة ساعة لتتماسك بس طالعتا زينتا بالكريمة وصوص

طبعا كل ماتمت بالفريزة اكتر بتصير اطيب

وبألف صحةوهنا ♡