قرشلة اليانسون بدون بيض مضمونة مية بالمية
قرشلة اليانسون بدون بيض مضمونة مية بالمية
المقادير
- القسم الاول:
- خمس كاسات طحين
- معلقة كبيرة بكنغ باودر
- ربع معلقة صغيرة كربونة
- رشة ملح
- القسم الثاني:
- كاستين سكر
- كاستين زيت
- كاسة ونص حليب
- ثلاث معالق كبار يانسون مطحون
- معلقتين كبار يانسون حب
الخطوات
مرحباااااا صبايا كيفك شو اخباركم شو عاملين من وراي اتأخرت كتيييييير عليكم كمان هالمرة بس بحكم صعب والضروف الي مرت ما ساعدتني حتى اطل عليكم لو بصمت بس شو بدنا نحكي اجرنا عند ربنا ان شاء الله ربنا يرزقنا اجر الصابرين بدي منكم طلب صغير تدعو لبنتي ربنا يشافيها وترجع للمدرسة عن قريب لانها لهسة ما داومت عندها التهاب مفاصل ومش قادرة تمشي من وجع رجليها امانة تدعولها
المهم وجعت روسكم بقصصي وهمومي هههههههههه بس والله انكم اعز من خوات لهيك بفضفضلكم
المهم نرجع لهالقرشلات اما والله العظيم اطيب من الجاهز وقرشة بتااااااااخد العقل جربوها ودعولي ورح تبطلو تشتروها من برا ويا نشوف بساطتها بلا رغي زيادة لعيتلكو معدتكم ع قد ما رغيت مش مشكلة بتستاهل هالوصفة
اول شي بننخل المواد الي بالقسم الاول وبتركو على جنب بعدين بنجيب مكونات القسم التاني وبنخلطهم مع بعض بدون اليانسون لحتى يدوب السكر تمامآ بعدين بضيف اليانسون الحب والمطحون وبخلطهم مع بعض بعدين بزيد فوقهم المكونات الجافة وبخلطهم مع بعض منيح حتى يصير عندك خليط بشبة البتي فور الي بنشكلو بكيس الحلواني او الماكينة يعني عجين طرية بعض الشيء مو عجين ماسكة اكيد فهمتوني كيف المهم بكون مسخن الفرن قبل بوقت ليحمى وبعدين بحط ورق زبدة على صينية مستطيلة وبفرغ الخليط عليها وبفردو بالتساوي وبعدين اذا حابة انك ترشيلها سمسم رشي حسب ذوقك ودخليها الفرن تخبزيها متل الكيك عادي بس تتحمر الاطراف وتاخد لون من الوجة بطلعا وبتركها تبرد تماما بعدين بقطعها وبحطها بصواني الخبز مرة تانية وبدخلها الفرن عالتحمير على طول بس يتحمر الوجة بقلب على الجال التاني بتركها كمان على نار هادية مع التدير بالفرن لحتا تقرمش وتاخد لون الاحمر الي كلنا بنحبو للقرشلة وبعدين طلعيها على شبك لتبرد تماما بعدين ذوقي اطيب قرشلة من تحت اديكي
والف صحة وهنا حبيباتي ولا تنسوني من دعواتكم ودعمكم يا غاليات
