طريقة الهريسه بسيطه وطيبه جداااا
طريقة الهريسه بسيطه وطيبه جداااا
المقادير
- المقادير لسدر :
- 1 ك سميد خشن
- نص ك لبن
- نص ك سكر
- معلقتين كبار سمنه
- رشة ملح
- معلقة كربونه
- المقادير لصينيه وسط :
- 4 كوب سميد
- 2 كوب لبن
- 2 كوب سكر
- معلقتين سمنه
- معلقة صغيره كربونه
- رشة ملح
- بكنج باودر اختياري
- للدهن الصينيه:
- طحينيه او زيت
- رشة طحين
- قطر
- للتزين :
- شرائح اللوز
- الفسدق الحلبي
الخطوات
السلام عليكم …ويسعد أوقاتكم جميعا
بقدملكم اليوم وصفة هريسه ولا اروع من هيك
اليوم وصفتي طعم رائع وسهولتها اروع ما بدها شغل ولا تعب واذا اجى عالبالك حلو عالسريع بنص ساعه بتكون جاهزه ..بحب اتشكر أمي عالوصفه الرائعه يسلموو دياتك وربنا يحفظلي اياكي ويحفظ امهاتكم جميعا ..
انا اخذت منها الطريقه وحبيت اقدملكم اياها لسهولتها وطعمها الروعه ..
يلاااا نشوف الطريقه ….
&انا استخدمت نص كمية المقادير وهي نص كيلو سميد كاستين لبن كاستين سكر ..عملت صينية وسط
المقادير يلي باول الوصفه بتعمل سدر
& بنضع جميع المواد السميد واللبن والسكر والبكنج والكربونه والسمنه وبنخلطهم سواا ..
&بندهن الصينيه طحينيه ..او زيت وبنرشها طحين
وبنضع فيها الخليط وبنساوي الخليط بالصينيه من خلال طرق الصينيه عالرخام وبندخلها الفرن المحمى عالحراره وسط ..اخذت معي 25 دقيقه وكانت مستويه ..
& قبل ما ندخلها الفرن بنزينها حسب الرغبه بشرائح باللوز
او الفسدق الحلبي
اختبري استولئها اذا لسى مش مستويه بترجعيها لدقائق مش اكثر
& بعد استوائها قطعتها وحمرتها ..وطبعا تحميرها ما باخذ وقت بدك تنتبهيلها لتنحرق
& بعد التحمير بسقيها قطر ساخن وهي ساخنه لحتى تكتفي من القطر وممكن تغطيها لمدة عشر دقائق لتتشرب القطر ..او ممكن تقديمها مباشره
& ممكن استخدام بدل السمنه العاديه سمنه بلديه لمحبيها
وهيك وصفتنا صارت جاهزه وطعمها جدا زاكي وبسيطه وما بدها شي ..جربوها واكيد راح تعجبكم
تحياتي الكم ..ودمتم بكل الخير
