سويسرول بجوز الهند بدون فرن ولا بسكوت ولاطحين ملكة الحلويات الباردة

المقادير

• كاستين ونص حليب
• كاسة سميد
• كاستين جوز هند
• كاسة ونص سكر
• معلقة كبيرة كاكاو
• معلقة كبيرة ماء زهر

الخطوات

يسعدلي كل اوقاتكن حبيباتي حلو اليوم كتيررر طيب ومكوناتو موجودة بالبيت بدون لابسكوت ولا فرن ولاحتى طحين طيب كيف يلا نبلش لنشوف طريقة

♡بسم الله الرحمن الرحيم♡

حطيت السميد والسكر وضفت عليهن الحليب وحطيتن عالغاز لبلشو يغلو ضفتلن ماء الزهر وجوز الهند وصرت حركن عالغاز مدة خمس دقايق ليستوي السميد وتمسك عبعض

بعد خمس دقايق شلت نص الخليط وحطيت للنص التاني الكاكاو وخلطتو منيح

تركتن يبردو شوي مشان افرد العجينة مديت نايلو وصرت مد كل قسم لحال شكل مستطيل يكون مو سميك كتير ولا رفيع كتير

جبت القسمين وحطيتن فوق بعض وصرت لف شكل سويسرول لفيتا ولفيتا بنايلو مع ضغط خفيف ليمسكو عبعض ودخلتا الفريزة ساعة او بالبراد تلات ساعات بعد مابردت تماما شلت النايلو وقطعتا

وقدمتا بهالشكل اذا بدكن ترشو عليها كاكاو او تتركوا متل ماانا عملت

جربوا طعمتا بتجنننن وكتيررر طيبة وموادا سهلة وموجودة بكل بيت

وبألف صحةوعوااااااافي

♡لاتنسوني من دعوة حلوة ♡