ازكى ليزي كيك ملكة الحلويات الباردة
ازكى ليزي كيك ملكة الحلويات الباردة
المقادير
- ٤ باكيت بسكويت شاي
- علبة قشطة
- ٤ ملاعق حليب بودرة
- ٤ ملاعق كاكاو
- ٤ ملاعق زبدة او زيت
- ٤ ملاعق شوكلاتة او لوحين شوكلاتة
- نص كاسة سكر او اقل حسب الرغبة
- نص كاس ماء
- ملعقتين جوز هند
- ممكن تحطي اي مكسرات متل جوز قلب مكسر مع الخلطة
- للتغليف :
- كاسة جوز هند
- ممكن تغلفيها بسمسم او حبيبات اليانسون الملونة عرفتوها …. لاني ما بعرف شو اسمها
الخطوات
مرحبا يا احلى صبايا ….. هاي اكتر وصفة ليزي كيك عجبتني لانه فيها مكونات بتجنن وبتخلي طعمها خيااااال
اول شي بنبدأ بالخليط :
بطنجرة او مقلاة بحط السكر والزبدة والكاكاو والحليب والمي على نار هادية بحركهم ٥ دقايق تقريبا
بطفي الغاز وبحط عليهم الشوكلاتة والقشطة وملعقتين جوز هند والمكسرات ازا بتحبيها جوز القلب بيشهي معها
بشيل شوي من الخليط
بخليه يبرد وبعدين بكسر البسكويت وبحطة عليه وبقلب من فوق لتحت انه ما بكون البسكويت كتير كتير مكسر بشكلهم على شكل كرات وبغطسهم بالخليط يلي شلته وبعدين بغلفه بجوز الهند او السمسم او هداك يلي ما بعرف اسمه
وعلى التلاجة ساعتين
ممكن يتفرز …. انا بعمل كمية كبيرة وبحطه بكياس تفريز وعلى الفريزر
وصحتين وعافية
