شيخ المحشي من الوءة
شيخ المحشي من الوءة
المقادير
- كوسا صغيرة
- لبن رايب
- لحمة مفرومة خشن
- بقدونس
- نعنع ناشف
- بهارات مشكلة
- فلفل اسود
- ماجي
- ملح
- صنوبر
الخطوات
مرحبا …..كيفكم يا عسولات ؟
حبيت اعمللكم اليوم شيخ المحشي او مخشي بلهجتي ….لا تستغربوا من الكمية احنا عيلة كتير صغيرة واكلنا كتير خفيف
بنبلش بتقوير الكوسا بشكل منيح يعني تكون رقيقة
بحط اللحمة مع شوية زيت زيتون وبهارات وفلفل اسود وملح وماجي على الغاز حتى تستوي اللحمة بشكل كااااامل
بفرم البقدونس فرم ناعم وبضيفه على اللحمة مع شوية نعنع ناشف والصنوبر
بحشي الكوسا وبسكرها كتير منيح ممكن بقطع بطاطا او حتى ممكن تحشي بطاطا كتير زاكية
بقلي الكوسا بعد الحشي
بكون مفورة اللبن على الغاز وبخلسه حتى يتسبك شوي ممكن ازا حسيتيه ثقيل تحطي مرقة لحمة ازا عندك ازا ما في شوية مي مغلية
بسقط الكوسا باللبن وبخيها ١٠ دقايق
بعمل تقلاية تومة مع شوية كزبرة وزيت على النار وبع ما اسكب الكوسا بحط التقلاية عليها
وبتزينيها بشو ما بدك
وصحتين وعافية
