صينية معكرونة بالخضار من الوءة

المقادير

• معكرونة سباغيتي
• بازيلا وجزر
• فليفلة حلوة
• ذرة مثلجة
• بصل مبروش
• ضرسين ثوم مهروس
• لحمة مفرومة
• بهارات
• فلفل اسود
• صلصة بندورة
• ملح وماجي

الخطوات

مرحبا صبايا كيفكم ❤

كل الولاد بيحبو المعكرونة بس بصراحة هي مش كتير مفيدة لهيك بنعملها اضافات من خضار ولحوم لحتى تصير مفيدة

خلينا نبلش

اول شي بنسلق المعكرونة مع ملح وزيت لحتى تستوي

بنكون على الغاز حاطين زيت والبصل واللحمة والبهارات والفلفل والملح بنشوحها لحتى تستوي اللحمة بعدين بنحط البازيلا والجزر والذرة والفليفلة المقطعة صغير وبنخليهم لحتى يستوو ….. بنضيف صلصلة البندورة و بتشوحها معهم شوي حتى توخذ طعم قبل ما نضيف المي

بنضيف كاستين مي وقرص ماجي وبنخليهم على الغاز شي ٥ دقايق ….. بنصفي المعكرونة وبنضيفها وبنحركها مع الخلطة بنتركهم على الغاز شوي وبعدين على الفرن لحتى تتحمر

وصحتين وعافية ❤