وردات السميد ملكه الشتاء
وردات السميد ملكه الشتاء
المقادير
- 5 ملاعق كبيرة زبدة لينة
- نصف كوب لبن زبادي
- نصف كوب زيت
- ملعقة كبيرة خل
- باكيت فانيلا
- باكيت بيكينغ باودر
- كوب سميد
- حوالي كوبين ونصف طحين او حسب نوعية الطحين المهم نوصل لعجينة طرية قابلة للتشكيل
- معلقة طعام كاكاو
الخطوات
☆بسم الله الرحمن الرحيم☆
أول شي منخلط الزبدة لحالا لتصير كريمية شوي مشان تندمج بسهولة مع باقي المكونات بعدين منضيف عليها اللبن والزيت ومنخلطهم سوا منيح وبعدا منضيف السميد والبيكينغ باودر والفانيليا وملعقة الخل ومنخلطهم منيح ومنضيف الطحين بالتدريج لنحصل على عجينة طرية وملمومة وقابلة للتشكيل بنقسم العجبنه نصين ونص بنضيف الكاكاو وبنعجنها منيح وهاد حسب الرغبه وازا بدك بتخليها ساده
منتركها ترتاح لمده نص ساعه ومنفرد بشكل متساوي
وبعدين منقطع دوائر بكاسة او فنجان
ولنحصل على شكل دوائر منرتب الدوائر فوق بعضا متل مو واضح بالصورة ومنلفهم ومنضغط شوي بالنص ليلزقو الدوائر ببعضهم
بعدين منقطع بالسكينة بالنص وبصير عنا وردتين
منصفهم بالصينية ومندخلهم عالفرن على درجة حرارة 180 مشغل من فوق ومن تحت
وبس يطلعو منسقيهم بقطر بارد
((كاستين سكر + كاستين ماء + عصرة ليمون)) وتركوهم ليبردو واستمتعو بأكلة سهلة وخفيفة
ElhamElherbawi
