الملفوف من الوءة ملكة الشتاء
الملفوف من الوءة ملكة الشتاء
المقادير
- راسين او اكتر ملفوف بلدي
- ضمة بقدونس كبيرة
- لحمة مفرومة خشن
- ٣ حبات بندورة
- راس بصل الافضل مبروش
- راس ثومة مبروش
- راسين ثومة بقشرهم بس مخزقين تخزيق براس السكين
- كمون
- فلفل اسود
- بهارات محاشي
- ملح
- ملح ليمون
- رز حسب الملفوفات
- رشة نعنع ناشف اختياري
- زيت زيتون
- ماجي
الخطوات
مسى الخير صبايا ……كلنا بنحب الملفوف خصوصا بالشتا بيشهههههههي
اول شي بنسلق الملفوف بالطريقة يلي بتريحك انا بقور راس الملفوف ….يعني بشيل القعمة الي بالنص وبحطه بطنجرة كبيرة فيها مي على الغاز مع شوية ملح وبصير بالملقط اشيل ورقة ورقة وهاي الطريقة رهيبة يا ريت صورتها بالخطوات المرة الجاي بوعدكم
الحشوة ….. كالعادة البصل وانا بعملة مبروش ما بحبه يبين بالاكل بحطه على الغاز مع زيت زيتون واللحمة والثومه المبروشة والفلفل الاسود والبهارات والملح بخلي اللحمة تتشوح شوي بطفي عليها بضيف البندورة والبقدونس والماجي والكمون وملح الليمون ورشة النعنع وبحركهم منيح بعدين بضيف الرز بحركها منيح بحشي الملموفات وبحطهم بالطنجرة وحط بنصهم راسين ثومة مخزقة الطريقة التقليدية تفرمي الثومه او تدقيها وتحطيها بس احنى ما بنحب طعم الثومة يكون ظاهر كتير
بتحطي مي على الملفوف تقريبا فوق نص الطنجرة لانه الملفوف ما بيشرب مي كتير بحط شوية زيت ورشة كمون ورشة ملح ليمون ورشة ملح وباكيت ماجي وعلى الغاز بس يبلش يغلي بسكر عليه الطنجرة وبخليه على نار هاااااادية لحتى يستوي ….ويمييييي
صحتين وعافية ❤
