صينية حلبه
صينية حلبه
المقادير
- 4 كوب سميد خشن
- كوب طحين
- ثلاث ارباع كوب زيت زيتون وبنكمله من زيت الذره ربع كوب
- بذور حلبه منقوع قبل بليله لنتخلص من المرار والرائحه
- ملعقة ك من اليانسون والسمسم وحبة البركه
- ملعقة ص بيكنج باودر
- ملعقة ك سكر
- رشة ملح
- القطر:
- 2 كوب سكر
- كوب ونص مي
- عصرة نص ليمونه
الخطوات
بنغلي بذور الحلبه المنقوعه بكاستين مي عالغاز مدة عشر دقايق لتتركز المي وبنتركها تتصفى وتكون فاتره
بنجهز المواد الناشفه كلها وبنخلطها
بنضيف الزيت وبنخلط بطريقة البس يعني الفرك
بنعجن بمية الحلبه الفاتره
لحتى تلم ومابنبالغ بالعجن..ومابننسى بذور الحلبه.
بنتركها تتخمر ساعة زمن
بنقطعها بالشكل اللي بدنا ياه
بنخبزها بفرن حامي لتتحمر اطراف الصينيه
بعدين بنحمر الوجه
بنشربها فوراً بالقطر البارد…
بتمنى تعجبكم
