رز بحليب و رز معمر بطريقتي السهلة ملكة الشتاء

المقادير

• كوب من الارز المغسول
• 8 أكواب من الحليب
• كوب من السكر
• ملعقة صغيرة ملح
• خليط الوجه للرز المعمر:
• باكيت قشطة اي نوع
• ربع كوب زبدة
• ملعقة ڤانيلا
• ملعقتين سكر

الخطوات

السلام عليكم ورحمة الله وبركاته

مين فينا مابتعرف تعمل رز بحليب

طبعا كلنا بنعرفها واكيد كل وحدة الها طريقتها في ناس بنقعو الرز وفي ناس لأ وفي ناس بتحط،نشا او كاسترد حسب كل ست بيت كيف بتحب تعملها وكيف بحبوها عيلتها

والرز معمر مابعرف اذا الكل بيعرفه او لأ ،،، هو عبارة عن رز بحليب بينطبخ بفخارة او بايركس بالفرن وبنحط عالوجه قشطة بلدية مع زبدة وبحطوله نكهات حسب الرغبة ممكن ڤانيلا ممكن هيل ،، حبيت اعملها بطريقة سهله ومابدي اطبخها بالفرن كان بدي اعمل رز بحليب بطريقتي المعتادة وبنفس الوقت اعمل اكمن صحن رز معمر طولت كثير عليكم ويلا نشوف الطريقة .

بسم الله نبدأ……

أولاً:

نضع 8 اكواب حليب سائل اي نوع بتحبيه وممكن طازج المهم العدد يكون 8 ونضع نصف كوب سكر وملعقة صغيرة ملح ونتركه حتى يغلي

ثانياً:

عندما يغلي الحليب نقوم بغسل الارز وتصفيته جيداً ونضيفه للحليب ونحرك جيداً ونتركه يغلي مدة 5 دقائق على نار عالية مع الانتباه وبعدها نوطي النار ونغطيه ونتركه

نراقب الرز بحليب كل خمس دقائق ونضيف ماتبقى من كوب السكر مع التحريك بين فترة والثانية

ونتركه حتى يستوي تماماً

ثالثاً:

نقوم بسكب الرز بالحليب بزبادي مناسبة لعيلتك

وقسم منه نسكبه بزبادي فخار او بايركس

رابعاً:

نخلط القشطة مع الزبدة ونضعها لمدة دقيقة بالمايكرويڤ او على حمام مائي حتى تذوب الزبدة ليسهل خلطها مع القشطة ونضيف ملعقتين من السكر وملعقة من الڤانيلا ونخلط جيداً ثم نوزع الخليط فوق الرز بالحليب ليتكون الوجه عند التحمير

نضع البايركس بفرن محمى تحت الشواية ونتركه يتحمر مع المراقبة وعندما يتحمر نخرجه ونتركه ليبرد قليلاً ونقدمه

وبالنسبة للرز بحليب العادي نتركه يبرد ورح تلاحظي قوامه كيف مثل المهلبية الطرية وصحتين وهنا

بتمنى هالوصفة تعجبكم اختكم ام جيلان