قراميش لذيذة وسهلة للسهرة ملكة الشتاء

المقادير

• المهم هلمو إلى المقادير:
• عجينة ميل فوي (أنا استخدمتا مفرزة جاهزة)
• صفار بيضة مخفوقة
• ملعقة صغيرة خل
• ملعقتين سكر
• نصف ملعقة قرفة
• يانسون أو سمسم أو حبة البركة أو زعتر أخضر

الخطوات

& بسم الله الرحمن الرحيم &

الطريقة سهلة وبسيطة كتير

* أول شي بدنا نشتغل والعجينة باردة يعني لا مفرزة ولا سايحة

* منقطعها شرايط متساوية ومندهنها بخليط الصفار ومنغطيها بأي نكهة من النكهات اللي ذكرتن

* بالنسبة للشرايط بحب لفهم بيعطو شكل أحلى

وفي الشكل التاني تبع السكر بالقرفة مامنقطع العجينة بس مندهنها بالبيض ومنحط السكر والقرفة ومنلف الطرفين لعند بعض ومنقطعها بسمك سانتي ونص تقريبا

* بدكن أسهل من هيك أكلة خفيفة نضيفة ههههه

* مندخلها فرن حامي على درجة حرارة 200 لحتى تتشقر وصارت جاهزة

* يفضل تؤكل تازة مشان القرمشة كراش كراش

* جربوها وماتنسوني من دعواتكم والجلي اليوم انا رح اجليه لأنهن مو كتار هههههه

بحبكم كتير وأستودعكم الله..