عجة الخضار بالفرن صحية وخفيفة

المقادير

• زهرة
• حبتين كوسا
• حبتين جزر
• طحين قمح
• طحين ابيض حسب العجن
• خمس ملاعق شوفان
• ملعقة باكينغ باودر
• ربع كاسة زيت زيتون او ابيض
• خمس بيض بهارات
• فلفل اسود او اخضر
• ملح
• كمون
• نعنع ناشف
• نعنع اخضر اكم ورقة
• شوية بقدونس
• بصلتين متوسطات

الخطوات

نقطع الزهرة وممكن بروكلي معها ونقطع الكوسا والجزر نسلقهم بالماء لحتى يستوو تلات ارباع استواء

نصفيهم ونحتظف بماء السلق..

نقطع البصل ونضع عليه الملح والكمون والنعنع الناشف والملح ونفركهم جيدا ثم نفرم النعنع الاخضر والبقدونس والفلفل الاخضر او الفليفلة ونقلب كل المكونات مع الخضراوات المسلوقة..

ثم نخفق البيض والزيت مع الباكينغ ونضع تقريبا نص كاسة طحين قمح ونص طحين ابيض مع الشوفان ونقلبهم مع الخضار ازا حسيت انو الخليط سميك بنخففو بمية السلق..وازا خفيف الخليط نضيف قليل من الطحين.

ممكن تقليها بالزيت..او بالفرن

انا حبيت اخبزها بالفرن صحية اكتر وعنجد طيبة..

هيك الاولاد بياكلو وبيستفيدو وانتي مطمنة..

تم بحمد الله ثم الصلاة على رسول الله