صينية بطاطا عالسريع
صينية بطاطا عالسريع
المقادير
- ٤ حبات بطاطا حجم وسط
- دجاجه مقطعه ٨ قطع
- نص فنجان زيت زيتون
- ٢ حبة جزر
- بصله
- ثومه
- معلقتين صلصة بندوره
- بهارات مشكله
- ملح
- فلفل
- بابريكا حسب الرغبه
- معلقه روزماري ناشف
- معلقة زعتر ناشف
- حبتين بندوره
الخطوات
يسعد اوقاتكم جميعا…..
اكيد كلكم ستات زاكي بتعملو صينية البطاطا
بس انا هاي اول مره بعملها بالاعشاب الناشفه..وبوجود الجزر
جربوها وان شاء الله تعجبكم
خاصه انها بالكيس
بنقطع البطاطا والجزر والبندوره دوائر او بالشكل اللي بدكم ياه
وبنكون منظفين الدجاج كثير منيح
بنعمل فيه شقوق وبنحط كل المكونات مع بعض
بدون اي ترتيب
بنحطهم بالكيس الحراري وبنربطه بالربطه الخاصه فيه
وبنحطه بالصينيه
وعالفرن من تحت تقريبا ساعه ونص
بعد مانتاكد انها استوت بنتخلص من الكيس وبنحمر وجهها
وصحتين..
