خبز البيني بالشوكلاته
خبز البيني بالشوكلاته
المقادير
- 3اكواب الا ربع طحين
- كوب الا ربع حليب سائل
- ملعقة خميرة
- 2 صفار بيض
- بيضة كامله
- ملعقتين زبده
- 2 ملعقة سكر رشة ملح رشة فانيلا
- 2 ملعقة زيت
- 3 اكواب الا ربع طحين
- شوكلاته
الخطوات
كيفكم من جديد يا صبايا…. حبيت اشارككم وصفه كثيييير بتحبها بنتي وهي خبز محشي شوكلاته او مربى اذا ما كان عندك… عادي اللي متوفر عندك بتستخدميه واول شي بتلبشي فيه هو بتخلطي الحليب السائل مع الخميره وبتتركيه على جنب
بعدين بتخلطي كمية صفار البيض مع فانيلا وزبدة وسكر ورشة ملح و2 ملعقة زيت والبيضة الكامله وبتستمري بالخلط بعدين بتضيفي 2كوب طحين والحليب مع الخميره وتحركي حتى يتمازج الخليط مع بعضه اخر شي بيكون ضل معك كوب الاربع طحين بتضيفيه للخليط وبتطلعيه من الوعاء وبتبلشي عجن ع الرخام لمده دقيقتين تقريباً وبنتركها تخمر لمده ساعتين
وبعد هيك بفردها وبنقطعها دوائر صغيره بحجم فتحه كاسة الشاي تقريبا “انا هي اداة التقطيع عندي ههههه ” وبتركهم مغطين القطع لحتى يتخمرو لمده ساعه حتى يطلعو منفوخين من جوا وبعدين بنقليهم بزيت دافي وبس يطلعو بنتركهم شوي وبنحشيهم شوكلاته بكيس حلواني واذا مافي انتي وابداعاتك تطلعيها لانه الصراحه بستحق التجربه والتفنن.
في ناس بحب يرشها بالسكر بس تطلع من الزيت وهي ساخنه وبعدين يحشيها بس انا ما بعملها لانه نحنا ما بنحب نكثر سكر ع الاشياء…… قولو كل هالحلو وما بتحبي السكر
حلويات الشتاء
