شترودل الجبنه 1 سهل وبسيط ملكه الشتاء

المقادير

• 3 كوب ونص طحين ابيض
• 250 غرام زبده بارده و طريه
• معلقتين صغار فانيلا
• بيضه بدرجه حراره الغرفه
• ربع كوب سكر
• معلقه صغيره خميره فوريه
• تقريبا ربع كوب ماء دافي يمكن نحتاج اكثر شوي حسب نوع الطحين واستيعابو للسوائل
• مقادير الحشوه:
• علبتين جبن كريمي سعه العلبه 250 غرام
• ربع كوب طحين
• نص كوب سكر مطحون
• معلقه صغيره فانيلا
• ربع كوب زبيب
• خليط التلميع:
• صفار بيضه
• معلقه صغيره فانيلا
• معلقه صغيره نسكافيه
• خليط التلميع النهائي ربع كوب قطر جاهز ثقيل القوام لتلميع الظفائر فور استوائها وخروجها من الفرن مباشره

الخطوات

بسم الله نبدا

بوعاء العجان بنضع الزبده والفانيلا والبيضه ورشه الملح وبنخفقهم لمتزجو مع بعض منيح وبنظيف الطحين والخميره وبنظيف الماء وبنستمر بالعجن لنحصل على عجينه متماسكه وناعمه

بنغطيها وبنتركها تخمر لمده ساعه تقريبا

وبعد هيك بنقطعها لقطعتين متساويات

وبنريحهم شوي وبنرق اول قطعه على ورقه الزبده لنظمن انو ما تغلبنا اثناء نقلها بعد تشكيلها بشكل طولي وبنضع الحشوه بنص العجينه وبنقطع العجينه من الاطراف اشرطه متساويه لعمل الضفيره وبنسكر على الحشوه عن طريق عمل الظفيره وبنضعها على صينيه الخبز وبنريحها نص ساعه قبل خبزها وبندهنها بخليط صفار البيض وبنخبزها على نار هاديه تقريبا 180 درجه لمده

عشرين دقيقه تقريبا لما توخذ اللون الذهبي بنحمر وجها على الخفيف لنحصل على اللون الذهبي الحلو بنطلعها من الفرن وعطول بندهنها بالقطر وبنتركها تبرد قليلا و وتقطع حسب الطلب وتقدم بارده بتمنى تجربوها وتعجبكم

ملاحضه قوام العجينه ما بين العجينه الفتاتيه

وعجينه المعجنات العاديه وطعمها حلو مايل الى القليل من الملوحه والي ما بحبو هالنوع من الحلو
بالنسبة للحشوة بنخلط جميع المقادير مع بعض منيح وهيك بتكون الحشوه جاهزه للاستعمال
بتقدرو تستبدلو الحشوه

بال كريم باتيسير او شرائح التفااح المكرمله بالزبده والسكر البني

حسب ذووقكم ورغبتكم اكيد

تحياتي الكم جميعا رشا ام احمد

لا تنسوني من فضل دعواتكم الحلوه