كيف تصنع شاورما مع العيش تبعها نفس طعم المطاعم؟
مقادير عيش الشاورما:
لكل كوب دقيق نص معلقة صغيرة خميرة فورية
رشة ملح
رشة سكر
ماء دافئ للعجن
بيختلف كمية الماء حسب نوع الدقيق بس المهم العجينة تبقى زي عجينة البيتزا و المعجنات و نلمها في الاخر بشوية دقيق عشان متلزقش في الطبق و نسبها ترتاح ربع ساعه و بعدين نبدأ فرد العجين نعمله كور صغيرة و بالنشابة لحد ما تبقى رقيقة و نرش دقيق لما نلاقي العجينة بتلزق بس قبل ما نحط العجين على النار نحاول ننفض كل الدقيق الزايد منه و نسخن طاسة على النار و نحط الرغيف عليها يادوبك دقيقة و اقلبيها شوفيها اتحمرت ولا لا و الناحية التانية برضو و نشلها في كيس بلاستيك لحد ما نخلص الكمية كلها.
المقادير لشاورما:
لكل نصف كيلو صدور فراخ نحط 2 معلقة كبيرة زبادي و معلقة كبيرة دبس الرمان و عصير ليمونة واحدة و ملح و فلفل وشطة حراقة للي بيحب حراق و بهار فراخ و 3 سنة ثوم طبعا الاول نكون قطعنا صدور الفراخ شرايح رفيعة شوية بس مش اوى عشان متنشفش منك و نسبها بالتتبيلة دي ربع ساعه بس و انزلها في طاسة فيها شوية زيت يكون سخن و نقلبها لحد ما تستوي تقريبا عشر دقايق بس بعد دقيقة من حطها على النار نخفف النار شوية عشان متتحرقش التتبيلة و كده جاهزين للسندوتشات نحط على كل رغيف شوية مايونيز انا عملته برضو و نحط الشاورما و مخلل خيار و نلفها و بعدين نسخن طاسة و ندها بشوية زيت بسيط و نحط السندوتشات و نحمرها من الناحيتين و بالف هنا و شفا يارب.
لمتابعة الوصفة على جروب “زاكي”:
كيف تصنع شاورما نفس طعم المطاعم؟