صينية الدجاج الخضار مع و بسكوت السكونز
صينية الدجاج الخضار مع و بسكوت السكونز
المقادير
- تلات صدور دجاج مسحب
- بصلة مفرومة ناعم
- سنين توم مهروس
- حبتين كوسا مقطع
- حبتين فليفلة مقطعة
- نص كاسة جزر مجمد ومسلوق
- نص كاسة ذرة مجمدة و مسلوقة
- مكعب مرق الدجاج
- كاسة ونص كريمة
- رشة جبنة شيدر و موزاريلا
- رشة ملح و فلفل اسود
- رشة توم و بصل باودر و بابريكا حلوة
- رشة بهارات الكيجن
- نص قرن فلفل حار اختياري
- لبسكوت السكونز:
- كاستين طحين منخل
- ملعقة كبيرة سكر
- ملعقة صغيرة ملح
- ملعقة ونص صغيرة غير ممتلئة بيكنغ باودر
- نص ملعقة صغيرة غير ممتلئة بيكنغ صودا
- ١٠٠ غم زبدة
- تلات أرباع الكاسة حليب عليه ملعقة صغيرة خل أبيض
الخطوات
يقلى البصل مع الثوم و والفلفل
يضاف صدور الدجاج لتقرب تستوي يضاف الخضار و مكعب مرق الدجاج و رشة ملح و فلفل اسود و توم باودر و بصل باودر و بابريكا حلوة و بهارات الكيجن ويقلب يضاف الكريمة و الجبنة تصب بالجاط و يوزع عليها البسكوت و تدخل لفرن حامي من قبل درجة ١٨٠ من الوسط بدها ٢٠ دقيقة لنص ساعة
البسكوت
بتخلطي كل النواشف وبتفركيها مع الزبدة يضاف الحليب مع الخلط بأطراف الأصابع ثم تكور وتوضع بالصينية
بالهنا والشفا يارب
