ألذ سينابون ممكن تجربوه
ألذ سينابون ممكن تجربوه
المقادير
- ٤ كوب دقيق ( طحين)
- كيس خميره فوريه
- ٤ م.ك لبن بودر
- م.ص بيكنج بودر
- ٢ م.ك سكر
- رشة ملح
- كيس دريم ويب
- علبة زبادى١٧٠ جرام
- نص كوب زيت
- كوب ماء دافئ
- الحشو :
- زبده
- سكر بنى
- معلقتين كبار كاكاو خام
- معلقتين كبار قرفه
- م.ص نيسكافيه ( اضافه من عندى لكن لذيذه اوى )
- التوبينج الابيض:
- ٨ مثلثات جبن كريمى
- كيس دريم ويب
- علبة قشطه
- كوب حليب مكثف محلى (عملناه مع بعض قبل كده )
- صوص الكراميل (نزلته قبل)
- صوص الشيكولاته (نزلته قبل )
الخطوات
الطريقه تخلط كل مكونات العجينه مع بعض كويس جدا لمدة عشر دقايق حتى نحصل على عجينه ملساء نغطيها و نسيبها تخمر نفردها على الرخامه بالنشابه ندهنها بزبده بدرجة حرارة الغرفه و نخلط مكونات الحشو و نضيفها عليها و نلفه رول و نقطعه بالخيط و ينقل لصينيه الخبز و نسيبه يخمر تانى نص ساعه و يدخل فرن سخن على ٢٠٠ ربع ساعه من تحت ثم نشغل الشوايه لحد اللون الدهبى و أول مايخرج نحط عليه حليب مكثف و لما يهدى نضيف التوبينج الأبيض و نزين بصوص الشيكولاته و الكراميل
و بالهنا و الشفا فيديو الوصفه بالتفصيل على قناتى على اليوتيوب مطبخ ساره عطيه او sara Ateia kitchen
