طريقة السحلب لشتاء دافئ

المقادير

• حليب سائل او ماء وحليب باودر نشا فانيلا سكر
• وبالنسبة للتزيين:
• قرفة
• جوز الهند
• فستق حلبي
• جوز جمل
• او اي شي بتحبي واذا ما في بلاش منو ههههههه

الخطوات

طبعآ بالنسبة للمقادير ما حددت كل كم عيار المكونات لانو هون رح احكيلك بكل بساطة كل كاسة سائل ان كان حليب او ماء رح تاخد معلقة نشا بس مش مليانات كتير عاديات وبالنسبة لو استخدمتي ماء بدها كل كاسة معلقتين حليب باودر وبالنسبة للنكهة متل ما بتحبي ممكن فانيلا وبس او هيل ومستكة او ماء الورد او ماء الزهر او نكهة الموز او اي شي بتحبي برجع الخيار لإلك طبعآ انا بغلي الحليب وبترك نص كاسة باردة بحل فيها النشا وبس يغلي بضيف النشا الي مدوب بنص كاسة الحليب مع التحريك المستمر حتى يثقل وبعدين بحطلو سكر حسب الرغبة وبتحطيلو النكهة الي بتحبيها وبعد ما اخلص بتسكبي بالكاسات وبتزيني متل ما بتحبي وصحتين وهنا ع قلوبكم يا رب ولا تنسوني من دعواتكم الحلوة يا أغلى خوات