خبز الحمام بسر خطير جدا
خبز الحمام بسر خطير جدا
المقادير
- اربع كاسات طحين
- كاسة حليب سائل
- بيضة
- معلقة كبيرة خميرة
- خمسين غرام زبدة
- معلقة صغيرة ملح
- ربع كاسة سكر
- مكونات السررر الخطيييررر:
- كاسة ماء
- ثلث كاسة طحين
الخطوات
اول شي رح ابلش في هو السر بديل المحسن هو رح يكون عباره عن طحين ومي بخلطهم مع بعض وبحطهم على الغاز وبحرك بشكل مستمر وسريع حتى يتشكل عندي خليط شبة الفازلين بضل احرك حتى اشوف العجين صار عبارة عن خليط لين ولامع متل الي بالصورة وبعدين بغطيها مزبوط بتركها تبرد تمامآ وبس تبرد ببلش بالعجين بخلط الحليب الدافي والبيضة والخميرة والسكر والملح مع بعض مزبوط وببلش انزل الطحين واحرك وبس انزل بكل الطحين بنزل الخليط الي جهزتو بديل المحسن وبعجن كتييييييير منيح وبعدين بحطلها الزبدة الطرية بحرارة المطبخ وبعجن من جديد حتى تمتزج مزبوط وتصير ملسة وبتركها ترتاح ساعة وبالنسبة للزبدة ممكن تستبدليها بالزيت اذا مو موجودة انا هون استخدمت زيت ما كان متوفر الزبدة عندي واوفت بالغرض وبعد ما تخمر بقطعها وبشكلها كرات وبعدين بفرد كل كرة وببرمها وبسكر مزبوط مكان الفتحات وبخليها بالسدر الفتحة من تحت وبعدين بتركها ترتاح كمان ساعة او اقل وبدهن الوجة بالحليب او بيض انا دهنت بالحليب وبس تحمريها وتخلصي بطلعيها من الفرن وبتغطيها ببشكير نضيف وبتتركيها تطرى وبعدين رح تذوقي اطيب خبز واطرى خبز بحياتك جربوها ودعولي
والف صحة وهنا ع قلوبكم يا رب
ولا تنسو سرررر لا تحكو الا لحبابكم
