كب كيك بنكهة الموز و سر نجاح الكيك معي
كب كيك بنكهة الموز و سر نجاح الكيك معي
كب كيك بنكهة الموز و سر نجاح الكيك معي
المقادير
- ثلاث كاسات طحين
- ثلاث بيضات
- رشة ملح
- كاسة ونص حليب سائل
- ثلاث معالق صغار بكنغ باودر
- معلقة كبيرة نكهة الموز
- كاسة زيت
- كاسة ونص سكر
- ربع معلقة صغيرة كربونة
الخطوات
اول شي واول سر من اسرار نجاح الكيك انها تكون مكوناتك كلها بدرجة حرارة المطبخ وتاني شي انا بستخدم لكل كاسة طحين منخول ولازم ننخل الطحين بيضة ومعلقة صغيرة بكنغ باودر ولازم الخليط يكون شبة سائل يعني ما يكون ثقيل يعني بدك تحكي وسط وانا عن نفسي ما بستخدم خفاق كهربائي ابدآ بعملو بالخفاقة العادية اليدوية واهم شي كمان عشان الكيك ما ينشف منك ما لازم تخلطي كتير بس تحطي الطحين اذا زدتي على الكيك بالخفق رح ينشف معك ودرجة حرارة الفرن تكون متوسطة يعني بحدود ال١٨٠ْ ولازم تكوني مشغلة الفرن قبل ما تبلشي بالخليط وهاي هية اهم اشياء لازم تنتبهيلها لحتى تنجحي بعمل الكيك وما يفشل معك ابدآ وبالنسبة للبكنغ باودر عشان تتأكدي انو فعال ومو منتهي او انو مو فعال حطي كمية منو بكاسة ورشي عليها عصرة ليمون او خل اذا فور بكون عندك تمام واذا ما فور بكون فاسد عندك ولا تغلبي حالك ولا تكلفي نفسك ولا تعملي في لانو ما رح ينفش ابدآ
هسة نيجي للطريقة
بخلط البيض والسكر مع بعض وبعدين بنزل عليهم بنكهة الموز وبنزل بالزيت والحليب وبخلطهم منيح حتى يذوب السكر تمامآ وبعدين بنخل الطحين ورشة الملح وبضيفو على السوائل وبخلط خلطة سريعة وبس يمتزج الطحين مع السوائل خلص بوقف وبعبي بصحون الكب كيك القصدير او ورق الزبدة او بحطو بقالب كبير وبدخلو الفرن الحامي وما بفتح علي الا بعد نص ساعة على الاقل وهاد كمان من سر نجاح الكيك وانو ما يرجع ينفس بعد ما ينفخ وبعد مرور الساعة الا ربع او نص ساعة حسب حرارة فرنك بفتح علي وبختبرو بسكين او بعود خشبي بغرسو بنص القالب اذا بتطلع ناشفة بكون تمام استوى بطلعو وبقلبو بجاط التقديم وصحتين وعوافي على قلوبكم ♥️♥️♥️♥️
وان شاء الله ما اكون نسيت اشي وان شاء الله اكون افدتكم واتمنى منكم دعوة حلوة من القلب حبيباتي
